ENTRE AS COMIDAS DE LIEBLING
UN SEÑOR DE BARBA que sorrí maliciosamente e máis eu sentamos de fronte no traballo. Non hai día que non lle reitere o chiste gastado: «E ti, vés moito por aquí?» «Entre comidas», contesta Elías Ferreiro con paciencia de bedel de instituto. Esa humorada acórdame Entre comidas, o libro no que o xornalista Abott Joseph Liebling rememoraba en The New Yorker comidas da súa estadía en París en 1926, cando tiña 22 anos. Fillo dun comerciante de peles de Nova York, Liebling convenceu ao pai para mellorar os seus coñecementos de Historia Medieval na Sorbona. O proxenitor asignoulle dous mil dólares para o curso, divididos en pagos mensuais. A cantidade representaba 52.000 francos, abondo para vivir nun París de menús a 6 francos. (Seguir lendo en El Progreso)