A IMPORTANCIA ESTÁ NA PABUXADA

A IMPORTANCIA está na pabuxada. Con isto quero dicir que a importancia se atopa no detalle, pero prefiro usar a palabra que me aprendeu Primitivo Iglesias cando aínda militaba na vida seglar de profesor de Galego e non era alcalde da Pastoriza. Pabuxada é a neve lixeira, que pousa e se eslúe antes de callar. A min interésame grandemente a pabuxada cando me dispoño a comer. Gústame saber de onde veñen os repolos ou as xoubas porque son consciente de que o padal está no cerebro. Difire amplamente a intensidade coa que che sabe un alimento se sabes de onde o trouxeron e o vendedor cóntache ese bonito sofisma de «isto non leva nada de química».

(para seguir lendo, en Galiciae)