Canalblog
Editer l'article Suivre ce blog Administration + Créer mon blog
Publicité
O CABARET VOLTAIRE. Seit 2005.
26 mai 2013

O PERIODISMO CONSISTE EN USAR OS TEUS PÉS

mailer and breslin

Gay Talese soaba como candidato ao Príncipe de Asturias que se fallou esta semana. Teríame prestado que llo concedesen, el supoño que opinaría con indiferenza sobre o galardón. Sería un recoñecemento a todas as figuras do Novo Xornalismo, cuxa historia estou gozando grazas a La banda que escribía torcido (Libros del K.O.), de Marc Weingarten. Gustaríame mirar ao fillo do xastre italiano no escenario do Campoamor cun deses traxes a medida e botoadura de nácar. Empezou a vestilos cando entendeu que o xornalista protagoniza a súa crónica. Aprendeulle esa lección a Tom Wolfe, pero este prefería vestir de dirixente agrario do interior dos Estados Unidos, como o seu pai. Mesmo cando se drogaba cos hippies, sen saber aínda que significaba o termo, vestía de chaqueta e pantalón brancos. As súas gravatas anchas desagradaban na redacción do New York Tribune a todos agás a Jimmy Breslin. Ao contrario dos seus compañeiros de movemento, Breslin pretendía estar á marxe da súa sinatura e pasar desapercibido malia imitar o seu físico a envergadura similar ao de Rocky Marciano. Breslin explicoulle a Wolfe que o único complemento de gardarroupa importante para un periodista eran uns zapatos cómodos e folgados: «Informar consiste en usar os teus pés. Non hai crónicas no primeiro andar, todo o que interesa acontece catro ou cinco andares máis arriba». Breslin botaba o día nas rúas de Nova York tomando notas. Despois, como acabaría confesando, pasaba vergoña ao cruzarse os compañeiros no metro «sabendo que eles marchaban para a casa e a máquina de escribir agardaba por min».

Photo: Norman Mailer and Jimmy Breslin. 1970

Publicité
Publicité
Commentaires
O CABARET VOLTAIRE. Seit 2005.
Publicité
Archives
Derniers commentaires
Newsletter
2 abonnés
Visiteurs
Depuis la création 303 416
Publicité