UNHA LIBRE ELECCIÓN PAGADA A ESCOTE

Miguel Santalices defendía esta mañá a asepsia da Lei de Garantías de Prestacións Sanitarias louvando que ampliaba a libre elección de profesionais médicos, unha disponibilidade que, se non nos custase a todos, eu aprobaría. Concordo co deputado popular no seu rexeitamento das acusacións opositoras no senso de que a norma acentuaba a privatización da sanidade pública galega pola canalización de cartos da Xunta cara ao sector privado. Efectivamente, desviar pacientes a empresas con ánimo de lucro non é privatizar a sanidade pública, senón incorporar a actividade desas empresas  ao sector público ao financiar cos orzamentos públicos eses doentes que se lles confían. Privatizar sería que esas empresas convencesen aos pacentes que non dá a atendido o Sergas para que contratasen os seus servizos aboando a conta do seu peto.