Poster - Killers, The (1946)_03

Publican conversas de cela a cela entre dous imputados por asasinato. O home incita a calmarse á muller: "Deixa a mente en branco". Sabe que os están gravando, polo que trata de que ela non ceiba nada perxudicial. Pide un imposible. Ninguén vai poñer o cerebro de cen a cero nunhas circunstancias de extrema incerteza coma as que padecen. Na noite, lía un relato de Hemingway. Dous homes saben que van matar un terceiro, aínda que non saben o motivo. Van avisalo. O Sueco, a vítima potencial, rexeita escapar aínda que ten prazo para facelo. Un dos salvadores frustrados trata de buscar unha lóxica ao crime que se vai cometer e ao motivo que ten O Sueco para deixarse matar. "Mellor non pensar niso", dille o outro.