OS PARTIDOS MINGUANTES

Beiras prosigue o seu avance alucinado cara ao Alba de Groria. Enfebrecido por confirmar a súa trascendencia, todo o humano parece serlle alleo. Tras abandonar Esquerda Nacionalista aínda sendo proxecto haxiográfico, está a un paso de fagocitar saturnianamente o seu foro de culto, Anova. Os seus axudas de cámara non soportaron máis tanta ansiedade de culto. Supoño que son conscientes de que Anova converteu o partido ferrolán Esquerda Unida nun partido nacional, cando menos na representación no Hórreo en expectativa de novas eleccións. Beiras lémbrame a Norma Desmon en O crepúsculo dos deuses. Podería parafraseala: "Eu sigo sendo grande, os que se volveron pequenos son os partidos".