FERROL ESTÁ GUAPA
Con Ferrol pásame como con Negueira de Muñiz. Sinto simpatía polos lugares que son centros neurálxicos da nada, os sitios aos que ir exprofeso e dende os que non se pode ir a ningures. Hai uns anos que non ía e regresei o mes pasado. A media mañá a Praza de España era a definición mais exacta da decadencia. O único que se movía era o vento naquela mañá de sol, también algúns peóns e coches de condutores resentidos. A suciedade, as caixas, a desidia, as tendas desencantadas, os camareiros exasperados. Confío en que Rey Varela adecente a cidade agora que esperta o turismo de cruceiro; aínda que sexa, para que Bisbal diga que "Ferrol está guapa" sen mentir máis do habitual nun visitante público. Ferrol precisa un proxecto. A Xunta e o Concello deberían empezar por redactar un programa quinquenal para o sector naval para superar esta política de prazos curtos, de floteis e barcos militares para dous anos e cincocentos afortunados. Ese é un futuro trampulleiro, un engano consentido pola sociedade ferrolá que acepta calquera proposta que garanta a gobernanza do Partido Popular na cidade porque esta desquiciada.