A MALETA DE GÜNTER GRASS

Günter Grass vén de morrer.Grass foi un escritor imnenso; non soamente pola ambición maximalista que plasmou na súa obra, senón tamén no senso de que contou a Alemaña do século XX ao xeito global de Goethe. Logrou explicar cinco décadas do seu país despois de que a súa cidade natal, Danzing, deixase de ser alemana; desconstríu o seu país malia que a fe católica da súa nai se impuxo sobre o protestantismo paterno. Non falo de relixión, falo que a nai realizou o seu triple desexo a través do seu fillo: que fose escritor, artista plástico e afeccionado á cociña. A nai nada pedira. Un día amosoulle unha maleta cos recordos de tres irmáns seus que morrerande novos: dous na Primeira Guerra Mundial e o terceiro a causa da 'gripe española'. O primeiro dos irmáns soñaba con ser poeta, o segundo devecía por vivir da pintura e o terceiro, como non, aspiraba a dirixir a cociña dun restaurante.