samedi 20 juin 2015

UN PIANO QUE SAÍU VOANDO POLOS AIRES

  Hai quince días viuse un piano de cola sobrevoando o Círculo de las Artes, en Lugo. Eu souben de tal marabilla por unha fotografía que me o secretario da Sociedad Filarmónica de Lugo, José Luis Díaz, me remitiu por wathsapp. Saín correndo cara ao Círculo, consciente de que os espectáculos máis fascinantes son os improvisados —e nesa falta de aviso reside a súa forza—, pero cheguei tarde de máis para ver o piano negro colgado dun guindastre. O instrumento estaba destinado ao concerto que Ivo Pogorelich había de dar no... [Lire la suite]

jeudi 11 juin 2015

A CARTA DO REI MELCHOR A TOMAS CAVANNA

O MEU PAI foi un home afortunado. O pico anual da súa sorte chegaba no día de Reis, cando abría o sobre coa carta que lle escribira Melchor. Tras desdobrar o papel acendíanselle os ollos. Levantaba a cabeza e lía o texto en voz alta. «...y dile a tu mujer que no te riña tanto», remataba invariadamente a mensaxe de Melchor. O sorprendente é que a letra do rei de Oriente era igual de redonda, elegante e satisfeita ca do meu pai.  Kafka redactou en 1919 unha longa carta ao seu proxenitor para explicarlle as razóns polas que lle... [Lire la suite]
Posté par Jaureguizar à 13:45 - Commentaires [0] - Permalien [#]
Tags :
samedi 6 juin 2015

O NÚMERO ÁUREO NO CGAC: TRINTA TELEFAXES

O Hamburguer Bahnhoff amosaba hai anos o Mao feminizado e en technicolor de Andy Warhol. Botei un bo pedazo solitario mirando fixamente ese cadro no que fóra sala de espera da grandiosa estación de Hamburgo, en Berlín. Trataba de regresar coa imaxinación a 1972, cando esa brincadeira impactou no corazón da arte e foi asumida —e mesmo explicada— pola crítica. Non podía evitar lembrar a sentenza de Robert Hughes: «A sociedade ideal de Warhol cristalizou ao seu redor e aprendeu a amar a súa entropía». Hughes foi un crítico de arte que... [Lire la suite]
jeudi 4 juin 2015

OS PRÓXIMOS ALCALDES DE NUNCAXAMÁIS

David Remmick expón en Reportero (Debate) a frase coa que Al Gore se presentaba nos discursos públicos tras perder as eleccións: "Son Al Gore. Fun o próximo presidente de Estados Unidos". Galicia anda chea estes días de candidatos que ían ser futuros alcaldes e flamantes presidentes das deputacións. O caso máis sangrante aconteceu coa Deputación de Lugo como ceo á asaltar. Raquel Arias propuxérase hai uns meses como próxima presidenta abrindo unha batalla que acabou como a de Agincourtpara os franceses. Agora, coa cadeira de... [Lire la suite]
mardi 2 juin 2015

PALPITA

  Estou en contra de que se asubíen os símbolos. Non deixa de parecerme pueril que alguén se moleste por iso, pero deberíamos evitalo mesmo no caso do himno español, tan estrondoso e tan cheirante á vida abandonamente marcial que levaban os militares franquistas, entre a taberna e a sala de bandeiras, mentres os rapaces da mili cargaban coas bolsas da compra das súas señora. O normal na Final de Copa é que, coa protesta anunciada, non soase himno algún ou que soase un himno deportivo e non político; tal vez un pasodobre... [Lire la suite]
Posté par Jaureguizar à 10:30 - Commentaires [2] - Permalien [#]
samedi 30 mai 2015

O NOSO BLOOMSDAY MELANCÓLICO

O 18 DE MAIO ACALMOU todo. Foi pasar O Día das Letras e calar a controversia. Tanto ten hoxe que Filgueira Valverde fose un cínico arribista ou un infiltrado valente porque rematou o 2015 cultural de Galicia. O ano comeza a principio do verán, cando a Real Academia Galega designa —cun sistema de votación vaticano no que elixe unha congregación de 25 persoas— a quen debemos ler e avaliar durante os seguintes meses. Nese momento iníciase un ciclo que se prolonga ata o 17 de maio do ano posterior. As Letras Galegas son o evento que... [Lire la suite]
Posté par Jaureguizar à 00:47 - Commentaires [2] - Permalien [#]
Tags : ,

mardi 26 mai 2015

GRIPE

A palabra tempo foi máis usada na campaña. A presentación das diversas propostas que os seglares vimos de padecer foi prolongada, complexa e televisada, pero, sobre todo, estivo artellada pola contraposición vello-novo. Pareceu como cando espertas tras unha semana de gripe e unicamente pensas en quitar as sabas suadas para cambialas por un xogo con olor a recén pranchado. Tras remontar as crises da economía en xeral e da honradez política en particular, eleximos como receita electoral cambiar persoas gastadas. Os recén chegados... [Lire la suite]
Posté par Jaureguizar à 17:46 - Commentaires [0] - Permalien [#]
lundi 25 mai 2015

SOMBREIRO

    Hai unha canción de Marvin Gaye cun concepto aleatorio de fogar: Onde queira que deixe o sombreiro é a miña casa. Cando un é novo, guapo e triunfa nas listas de música popular dos Estados Unidos pode permitirse identificar o fogar como un espazo provisorio no que manter relacións esporádicas. Marvin Gaye escribiu a letra sentado sobre esa éxtase. Conta como abandona unha rapaza confesándolle que é «esa clase de home que vive sempre dun lado para outro». Unha casa é un lugar ao que volver, un espazo no que sabemos que... [Lire la suite]
Posté par Jaureguizar à 14:02 - Commentaires [0] - Permalien [#]
Tags :
dimanche 24 mai 2015

UN MOSTEIRO SEN LIBROS

Un xornal publicou  anos atrás unha fotografía de Gutenberg, o inventor da imprenta. Sorprendeume, porque Gutenberg viviu no século XV e Niépce tardaría tres séculos en enzoufar unha praca con betún de Xudea para quitar a primeira fotografía. O periódico identificaba a Gutenberg entre varios homes traxados á moda dos anos 50 como «segundo pola esquerda». Eu resistínme a confiar na información porque o creador da imprenta morreu en 1468. Acabei sabendo que o fotografado era o sismólogo Beno Gutenberg, que aparecía traballando... [Lire la suite]
Posté par Jaureguizar à 13:28 - Commentaires [0] - Permalien [#]
samedi 23 mai 2015

O ESTUPOR QUE ME AGARDA

Soño novamente coa Casa do Gato, o fogar no que me criei en Ribadeo. A casa xa non existe. O ano pasado vin por internet as máquinas da sustitución pasando coas súas rodas de eiruga por riba dos escombros, esmagando a miña "mocidade amable, heroica, fabulosa, digna de ser escrita en letras de ouro", igual á que añoraba Rimbaud. Ese soño volve a min moitas madrugadas como unha visita inesperada e agradable, pero esta noite a alucinación regresaba para anunciarme que estaba sendo asediado por bulldozers que roucaban na noite de fóra... [Lire la suite]
Posté par Jaureguizar à 00:00 - Commentaires [0] - Permalien [#]
Tags : , ,