mercredi 16 novembre 2011

CANDO RUBÉN ERA ROBERT SMITH

Algunhas vidas privadas son vocacionais. Rubén vivía nunhas dimensións lendarias no Santiago no que os 80 que se despreguizaba da longa noite marcial. Daquela eu tiña 18 anos e horas para derrochar coma se botase Möet Chandon na bañeira, en plan Dennis Hopper con Natalie Wood. Regalaba o tempo a varios grupos de amigos. Fascinábame un deles, un colectivo no que todos eran maiores ca min e insolentemente máis modernos. Tamén compartían, entre eles, a homosexualidade. Sendo os máis vangardistas, rendían un culto desmedido e mesmo... [Lire la suite]
Posté par Jaureguizar à 00:01 - Commentaires [0] - Permalien [#]
Tags : , , ,

mardi 15 novembre 2011

AGUA, AZUCARILLOS Y AGUARDIENTE

A monarquía española asiste resignada a súa caída de Casa Usher. O proceso empezouno o propio herdeiro, Felipe, cando teimou en casar cunha rapaza de biografía bastante parecida á de calquera familia de clase media, pero de insuficiente altura nos parámetros dunha homologación morganática. Maquilláronse divorcios e xogos a dúas bandas, posados para portadas de discos, condutas familiares barrocamente sospeitosas e mesmo orixes choferescos. Unha boa parte da opinión pública aceptou tapar o nariz a cambio de colocar sangue vermello... [Lire la suite]
Posté par Jaureguizar à 00:01 - Commentaires [0] - Permalien [#]
lundi 14 novembre 2011

ONDE SE METERON OS NOVOS ESCRITORES GALEGOS?

SUSO DE TORO ten morriña de si mesmo hai 25 anos. Co gallo da feliz exhumación de ‘Polaroid’ (Xerais) polo seu cuarto de século recoñeceu que sinte «envexa daquel autor que o escribiu, nunca terei a graza que el tiña». A sentenza é parricidamente certa. Tampouco é que se lle pida outra cousa porque o compostelán agrandou tanto o perfil que nunca se moverá tan lizgairo. O mesmo que lle acontece a Manuel Rivas. Un clásico, obviatemente. Como consecuencia nunca máis leremos a frescura do mariñeiro contando que no barco «había un... [Lire la suite]
Posté par Jaureguizar à 00:45 - Commentaires [4] - Permalien [#]
Tags : , ,
dimanche 13 novembre 2011

UNHA PÉRFIDA E SA ALBIÓN

OS POLÍTICOS ESTÁN afeitos a escoller entre a menos perxudicial das opcións, polo que agora que andan en campaña nin repararán no que comen. Un apaño calquera e un par de cafés cargados, supoño. Aínda que recoñezo que eu tampouco atendería moito ao que repousa sobre o prato se aspirase a unha subsecretaría, mesmo se arelase un escano; máis que nada polo iPad que lles imos regalar aos señores e señoras da Carreira de San Jerónimo. Os escoceses, galeses e norirlandeses se nutren aínda peor cós políticos en promoción porque hai un... [Lire la suite]
Posté par Jaureguizar à 00:52 - Commentaires [0] - Permalien [#]
samedi 12 novembre 2011

UNHA DUCHA ENTRE AS POMBAS QUE ADESTRA TYSSON

O estudo de Quique Bordell está presidido por unha aparatosa batería que non ten máis función ca de permanecer alí porque o pintor nunca toca. Ben, si; ten outra: agochar un precioso cartel que lembra o combate de Frazier e Muhammad Alí en Manila. O venres visiteino e falamos a respecto de Frazier. A Quique non lle interesa o boxeo máis ca por estética, eu tamén amo a posta en escea do ring, pero aborrezo que o árbitro dea a orde de comezar a pelexa. Bordell e máis eu debatiamos ao día seguinte a respecto de Rothko, Pollock e algúns... [Lire la suite]
Posté par Jaureguizar à 20:29 - Commentaires [0] - Permalien [#]
Tags : , , ,
vendredi 11 novembre 2011

GALICIA NON CHORA, OPOSITA

GALICIA NON chora, aspira a ser funcionaria. E os galegos que non opositan, viaxan. Dende que somos unha nación prozac por mor desta depresión ambiental cada vez máis e máis lonxe. Os viaxeiros máis contumaces son os licenciados. Segundo a universidade da Coruña, houbo 40.000 que viaxaron en calendario laboral nos últimos sete anos. Agora andan ao revés e volven á casa por vacacións, como veremos este Nadal. Teño amigos traballando en Londres, Barcelona, Chicago e Sicilia. Desbotaría que pretendan protagonizar un ‘Galegos polo mundo’.... [Lire la suite]
Posté par Jaureguizar à 00:41 - Commentaires [0] - Permalien [#]
Tags : ,

jeudi 10 novembre 2011

FRAZIER ESTABA CANSO PORQUE MORRER DEBILITA MOITO

Eu falaba coa miña muller a través do móbil en plan grego. Decidíamos en referendum doméstico se pagabamos a hipoteca ou exercíamos a democracia contra Bankia. O espectador sentado ao meu carón termaba do sombreiro coas mans rabuñadas de fendas coma se o chapeu fose prender o voo. Chistoume. O combate empezaba. Muhammad Ali vs. Frazier outra vez. “Rumble in the jungle”, que ruxiu Mailer. O boxeo paréceme un xeito exquisitamente burgués de evitarse visitar os arrabaldos para gozar o morno calor do sangue que estoupa dende unha cella.... [Lire la suite]
Posté par Jaureguizar à 00:04 - Commentaires [0] - Permalien [#]
Tags : , , , ,
mercredi 9 novembre 2011

HABITAMOS NÓRDICO

Eu xa estivera en París, pero descubrín o espírito da cidade en Buenos Aires, que é coma unha réplica das covas de Altamira. A capital arxentina foi erixida por arquitectos franceses Atlántico por medio co Google Maps da altura: uns planos do solar. Ao longo de décadas habitamos francés, comemos francés, pintamos francés, bailamos francés, aprendéronos francés. O eixo da cultura viaxou cara ao norte, cunha paradela en Berlín. Agora habitamos nórdico, lemos nórdico, conducimos nórdico, vestimos nórdico, durmimos baixo fundas... [Lire la suite]
Posté par Jaureguizar à 00:10 - Commentaires [0] - Permalien [#]
Tags :
mardi 8 novembre 2011

OS 300 DE ARBO BATEN O COBRE

A outra noite reparei nun corentón que camiñaba coa ollada nas puntas do zapatos polo centro envellecido de Lugo. Supuxen que o vampirizara a tristura ambiental á que nos condeou Goldman Sachs. Vin agacharse o home cara ás lastras, temín que bicaría a rúa da Cruz imitando o efectismo de Xoán Paulo II. Pero estaba enganado, recolleu algo coa tenrura coa que se recolle un pardal discapacitado por un erro no plan de voo. Nas súas mans aniñaba unha cavicha, un tercio dun cigarro que uniría a outro para construír un frankenstein saboroso... [Lire la suite]
Posté par Jaureguizar à 00:44 - Commentaires [0] - Permalien [#]
Tags : , ,
lundi 7 novembre 2011

BRANCOS, INDIOS E NEGROS, TODOS ELES ESPIDOS E BERRANDO COMA TOLOS

XABIER QUEIPO vive no corazón da escuridade, no centro de África. A causa soamente o coñecen Conrad e máis el. Conrad xa nos conta en Tifón (traducido por Queipo para Sotelo Blanco) as súas motivacións para navegar lonxe das augas xurisdiccionais de Polonia, que non son diferentes ás de Theordor Roosvelt. O expresidente norteamericano percorreu e cartografou El Río de la Duda, como conta na crónica homónima que nos regalan agoran as Ediciones del Viento. Roosvelt navegou o Mato Grosso e máis o Amazonas. Queipo é todo o moreno que se... [Lire la suite]
Posté par Jaureguizar à 00:01 - Commentaires [0] - Permalien [#]
Tags : , , ,