jeudi 5 août 2010

MONDOÑEDO ACOLLERÁ O ACTO CENTRAL DO CUNQUEIRO 2011

Mondoñedo acollerá o acto central da programación coa que se celebrará o centenario do nacemento de Álvaro Cunqueiro, o 22 de decembro de 1911. Ese mesmo día do 2011, haberá unha homenaxe popular ao escritor no que terá participación destacada tanto a Real Academia Galega como o Concello. As actividades comezarán contra o 28 de febreiro, data do seu pasamento, cunha velada literaria en Vigo. Unha exposición sobre o autor colocarase na Casa da Parra, en Santiago, na primavera para emprender unha itinerancia que a levará por Santiago, A... [Lire la suite]
Posté par Jaureguizar à 17:15 - Commentaires [0] - Permalien [#]

mercredi 4 août 2010

MICHELLE OBAMA, DE VACACIÓNS NA 'RACISTA ESPAÑA'

Tiven que dedicar moitas horas da miña vida ao longo dunha chea de anos a argumentar que a gavela de delincuentes non me provocaba ningunha cercanía, que todo o meu delicto era ser fillo de vascos e nacer onde nacín. Agora sorpréndeme que o titular do Times alporice porque acusa a España de racismo. Non precisaba explicitalo un xornal británico, poden preguntar a sudacas, polacos, moros, vascos, galegos, negratas, xudeos, xitanos, portugueses,... tiñan para escoller.
Posté par Jaureguizar à 13:21 - Commentaires [7] - Permalien [#]
mardi 3 août 2010

JULIÁN RÍOS NEGA QUE VAI ENTRAR NA ACADEMIA FRANCESA

Julián Ríos negou con rotundidade a rexouba de que vai ingresar na Academia Francesa. "Son escritor español, polo que non ten sentido. Por outra banda, non teño interese en entrar en academia ningunha", aseverou.
Posté par Jaureguizar à 13:20 - Commentaires [0] - Permalien [#]
lundi 2 août 2010

IR COMPRAR LAMBETADAS EN SOLITARIO

A miña filla, de 8 anos, empezou a comprar chuches en solitario. Acudir á tenda de lambetadas sen tutela é un rito iniciático occidental que mudou en tradición. ''Mira ben ao cruzar'', aconséllolle. ''Mira ben ao cruzar'', advertiron uns xuíces a unha rapaza holandesa de 14 anos. A miña pequena cruza unha rúa, esa mociña cruzará varios océanos en solitario. John Byron foi un antecesor de ambas as dúas. 'Viaje alrededor del mundo' (Ediciones del Viento) é a crónica da circunnavegación que realizou en 1764. O seu relato inspirou ao seu... [Lire la suite]
Posté par Jaureguizar à 17:24 - Commentaires [0] - Permalien [#]
dimanche 1 août 2010

UN DIRIXENTE NACIONAL DO BLOQUE FOI ASASINADO

Alberto Ramos informa en Xornal:[ “É unha novela negra cun detective bastante afeccionado ás culturas orientais que investiga o asasinato dun parlamentario”. Deste xeito define Diego Ameixeiras o argumento da súa próxima novela, Asasinato no Consello Nacional, que publicará a editorial Xerais á volta do verán. Con esta nova obra, Diego Ameixeiras segue a liña doutras obras que empregan como pano de fondo a política como pode ser a lembrada Asesinato en el Comité Central, de Manuel Vázquez Montalbán. Como pano de fondo, Diego... [Lire la suite]
Posté par Jaureguizar à 13:42 - Commentaires [4] - Permalien [#]
samedi 31 juillet 2010

LARSSON OU A CONCENTRACIÓN DA RIQUEZA LITERARIA

'Millenium' vén de empoleirarse no cumio das vendas nos Estados Unidos; a maiores, a serie supera o millón de ventas electrónicas. Levaba razón o bo de Karl (un perspicaz teórico, un cándido pragmático) cando nos indicou a tendencia do capitalismo a concentrar a riqueza no menor número de persoas posible. A literatura vai polo mesmo carreiro con inclinación a descarreirarse: cada volta lese máis un menor número de libros.
Posté par Jaureguizar à 23:48 - Commentaires [1] - Permalien [#]

mercredi 28 juillet 2010

CINEMA POR ANDAR LIXEIROS

Os Mr. Misto pedíronme unha benvida para O Festivalón e di máis ou menos así: "En Ribadeo gustamos de vivirmos lixeiros. Eu sempre atribuín esa querencia a que a vila empezou a construírse en Cabanela, ao pé do mar, para ser rematada nos peiraos de Rotterdam ou Estocolmo, ata onde navegaban os nosos capitáns e onde amarraban os nosos mariños. Pois si, en Ribadeo, somos de andares lizgairos, sempre camiñamos cun sorriso no bico e unha estrela na fronte. O noso Concello presentou unha enmenda á totalidade á Lei Universal da... [Lire la suite]
Posté par Jaureguizar à 16:41 - Commentaires [0] - Permalien [#]
mardi 27 juillet 2010

RIVAS MÉTESE A CONTRABANDISTA

Alberto Ramos, en Xornal: [Manuel Rivas ofrecerá en outono unha nova novela da man da Editorial Xerais. Nesta ocasión, o escritor e académico introducirase no mundo do contrabando. Para iso, Manuel Rivas ideará unha vila inventada como escenario da súa nova creación, titulada Todo é silencio. “Acontece nun lugar imaxinario con referencias reais da costa atlántica. Nárrase o ascenso dun capo do contrabando, pero o realmente esencial na obra son as personaxes. O contrabando é simplemente o pano de fondo”, adianta o académico Manuel... [Lire la suite]
Posté par Jaureguizar à 11:19 - Commentaires [1] - Permalien [#]
lundi 26 juillet 2010

BICOS EN CAIXAS FORTES

A miña adolescencia foi emérita. Emérita, non por excelsa, senón que a prolonguei varios anos. Tamén foi unha adolescencia rara porque dedicábame a ler os novelóns de Kafka cando debería ocuparme en actividades que me axudasen a desenvolver o meu espectro afectivo e social, como apoderarme de sinais de tráfico para cambialas de ubicación e furtarlles o sentido. A maiores do 'Top Kafka', lin escritos menos considerados, como as 'Cartas a Milena' (Alianza). Kafka, autor alemán nacido en Chequia, non dominaba o idioma do seu país, polo... [Lire la suite]
Posté par Jaureguizar à 11:26 - Commentaires [0] - Permalien [#]
jeudi 22 juillet 2010

DESENCANTO DA CARPINTEIRÍA

Cando era un mozote estaba certo de que ser escritor era o top das ilusións. Por iso, consagrei ducias de horas a ler a Kafka. Transcorridos uns anos, decateime de que imprescindibles eran os carpinteiros, os señores que nos fornecían de cousas que usamos todos os días: camas, mesas, armarios. Mirar a Javier Losada e Beatriz Mato montando mobles no Ikea da Coruña devolveume ao pensamento vello: é máis admirable ser escritor. A visión devolveume a Kafka. O escritor alemán de DNI checo era o que a sociedade aletrada chamaría un... [Lire la suite]
Posté par Jaureguizar à 17:50 - Commentaires [2] - Permalien [#]