mardi 18 mai 2010

O POETA QUE VESTÍA PELICA DE LOBISHOME

A ÚNICA COUSA material que cobizou Uxío Novoneyra en toda a súa vida foi unha zamarra. Nos seus 69 anos de existencia entre a nacencia en Parada do Courel e o pasamento en Compostela soamente desexou abrigarse cunha cazadora de pel e de coiro. A prenda viña de Norteamérica e era vella, pero o poeta teimaba en abrigarse con ela completando unha estampa feroz de home grandeiro. A traba da zamarra era que pertencía a outro e ese outro, nunha volta de torca, era amigo seu. Uxío andivo rifando e regateando con Herminio Barreiro pola... [Lire la suite]
Posté par Jaureguizar à 09:40 - Commentaires [2] - Permalien [#]

lundi 17 mai 2010

O STANDBY DA LINGUA

A Plataforma Pro Lingua convocara para hoxe en Lugo un debate sobre 'O estado da lingua galega e o seu futuro'. Media hora despois de que non se presentasen nin os organizadores, nin os participantes nin o primeiro espectador. Alguén sabe se era unha performance?
Posté par Jaureguizar à 21:29 - Commentaires [3] - Permalien [#]
lundi 17 mai 2010

UNHA OPORTUNIDADE, UN DISCURSO

Volvín do Courel sorprendido de que Feijoo veña de decatarse de que debe facer un discurso para cada ocasión para ser bo político. Este mediodía incidiu na defensa do galego e non provocou co equilibrio nin citou o español.
Posté par Jaureguizar à 17:34 - Commentaires [0] - Permalien [#]
lundi 17 mai 2010

NOAM CHOMSKY INCOMODA EN ISRAEL

El País: [Israel denegó ayer la entrada en el país a Noam Chomsky. El conocido lingüista, filósofo y activista político, muy crítico con el Gobierno israelí, tenía previsto dar una conferencia en la universidad palestina de Bir Zeit, junto a Ramala, e intentó pasar la frontera desde Jordania por el puente Allenby. Su idea, al parecer, consistía en desplazarse exclusivamente por los territorios ocupados. Tras un interrogatorio de más de tres horas, un oficial israelí selló su pasaporte con la frase "entrada denegada".]
Posté par Jaureguizar à 09:12 - Commentaires [0] - Permalien [#]
samedi 15 mai 2010

IOGUR ALEMÁN

OS GREGOS de antigüidade pensaron tanto que deixaron todo pensado para ducias de xeracións. Eu admiro a Grecia, pero non tanto pola filosofía, como polo seu desenvolvemento do iogur. O punto de cremosidade que lle conseguiron é o premio á reflexión de moitos cociñeiros. Malia esa devoción, non me atrevo a afirmar se é motivo abondo como para que Europa pague a súa tanatopraxia, a maquillaxe que fixeron co seu cadáver económico. Ao cabo, o iogur grego que eu gozo está feito en Alemaña, un país polo que sinto máis respecto porque non... [Lire la suite]
Posté par Jaureguizar à 23:57 - Commentaires [0] - Permalien [#]
Tags :
jeudi 13 mai 2010

ESTRELAS EN FORCAREI, ANIMACIÓN EN CARBALLO

Ando preparando o programa de mañá, venres, que empezarei pola mañá no IES de Forcarei falando sobre O contador de estrelas e rematarei de tarde participando na Semana do Libro e da Lectura de Carballo, amosando a un grupo de docentes técnicas de animación para que aos rapaces lles saiba máis a lectura.
Posté par Jaureguizar à 22:43 - Commentaires [0] - Permalien [#]

jeudi 13 mai 2010

SERRA SENSUAL

O verán pasado vivín unha experiencia que me encheu os sentidos, pasear entre os corredores ondulados de ferro de Serra no Guggenheim de Bilbao. Resulta moi sensual camiñar entre pranchas altísimas e curvadas que semellan abalarte tanto para os ollos como para os oídos. Agora, o escultor tivo premio.
Posté par Jaureguizar à 16:56 - Commentaires [1] - Permalien [#]
jeudi 13 mai 2010

ROALD DAHL REINA PARA THE GUARDIAN

Tino Santiago, en Facebook: [The Gardian publicou unha lista dos mellores libros de Literatura infantil e xuvenil. A selección é moi anglosaxona, naturalmente, pero están algúns dos, para min, mellores libros do século pasado. Por certo algúns moi ben traducidos. Entre outros aparecen: A materia escura de Philip Pullman. Faktoria K de libros (K-2). O Curioso Incidente do can a Media Noite Mark Haddon . Rinoceronte Editora Mark Twain: As aventuras de Tom Sawyer. Xerais Onde viven os monstros. Maurice Sendak. Kalandraka ... [Lire la suite]
Posté par Jaureguizar à 11:37 - Commentaires [1] - Permalien [#]
lundi 10 mai 2010

QUEN ESCRIBE PARA SI PROPIO?

NUNCA ENTENDÍN a precaución que hai entre os axentes culturais deste país fronte ao espectáculo e o márketing na literatura. Deben de pretender que sexamos como Tskypin, o autor de ‘Verán en Baden Baden’. O escritor ruso estaba obsesionado con Dovstoiestki e quero pensar que coa eternidade porque o seu fillo asegura que, logo de chegar á casa dende o psiquiátrico no que exercía, continuaba exercendo a súa profesión na casa escribindo e reescribindo as súas novelas. Tras o seu pasamento, a súa obra, continuamente tecida e destecida na... [Lire la suite]
Posté par Jaureguizar à 12:05 - Commentaires [3] - Permalien [#]
lundi 10 mai 2010

PORNOGRAFÍA

O PRIMEIRO exemplar de Playboy non tiña numeración porque os promotores desconfiaban de que houbese un segundo. Era 1953 e nos EE.UU. aínda estaba vixente a lexilación antiobscenidade de 1712 que prohibía enviar imaxes eróticas por correo. O editor, Hugh Hefner, mercou unha foto de Marilyn espida e e chantouna na portada desafiando a maquinaria postal. Esa mesma maquinaria distribuíra milleiros de imaxes pornográficas para erguer a moral dos combatentes nas dúas guerras mundiais. Outros conflitos, Vietman e Corea, levaron ao Pentágono... [Lire la suite]
Posté par Jaureguizar à 12:01 - Commentaires [0] - Permalien [#]
Tags :