jeudi 12 juin 2014

CORAZÓN, MEDO

Teño dous medos arraigados: os exames e os dentistas. Aínda soño cos exames, vinte anos despois do último. Diante dese terror, sentíame tentado a ser Bartebly: Preferiría non facelo. Fantaseo co escape, con agocharme nunha caixa coma fai a boneca humanizada de Air doll. A película de HIrokazu Koreedo que estiven mirando tras cear, tras volver de Foz, tras impartir un curso de xornalismo na UNED. A primeira hora da tarde, mentres conducía tratando de acougar co New and old friends de Bill Evans, resistín o pulo de botarme a unha... [Lire la suite]
Posté par Jaureguizar à 11:21 - Commentaires [0] - Permalien [#]

mercredi 11 juin 2014

NORMANDÍA

  A película Casablanca deixoume dúas preguntas importantes: O café  américain de Rick acabou sendo traspasado? Onde se dirixiu o avión no que montará Ingrid Bergman tras despedirse de Humphrey Bogart? Segundo lin onte, dirixíase a Lisboa. A cidade era o campo de batalla da intelixencia internacional en 1942. Centenares de espías conspiraban mentres xogaba ao black jack nos casinos; entre eles, Garbo e Graham Greene. Garbo tivo un papel fundamental no desembarco de Normandía porque os alemáns non agardaban o lugar nin o... [Lire la suite]
Posté par Jaureguizar à 17:28 - Commentaires [0] - Permalien [#]
mardi 10 juin 2014

ÁNGEL CURRÁS EVITOUSE SER MONSIEUR BOVARY

  Ángel Currás decidiu evitarse o triste papel de Monsieur Bovary. Ser alcalde dunha cidade internacional coma Santiago debe de representar unha dignidade de ouro e lume sobre a que paga a pena permanecer sentado. Pero Currás entendeu que lle quedaba un ano ata as municipais e que o botarían á pira funeraria. Evitouse que o marchen. Feijoo actuou rápido, sacrifica unha peza maior, o segundo na sucesión. O presidente amarra Galicia. As augas do Manzanares baixan toldas e poida que nin Rajoy, capaz de aguantar nas peores... [Lire la suite]
dimanche 8 juin 2014

TEMPOS INESTABLES PARA A LÍRICA

Nos anos 80 Galicia limitaba ao norte coas revistas La Naval e Luzes, e ao sur coa Movida de Vigo. Manuel Rivas e os irmáns Pereiro achegaban a letra; Antón Reixa, Julián Hernández e German Coppini escribían a banda sonora.Non lonxe lles andaba Miguel Costas, o galego que mellor comprendeu os tres minutos de frescura pop. Non chegou a ningures con Aerolíneas Federales porque nunca aspirou a unha medalla ao Mérito no Traballo. Ten confesado que marchou de Siniestro Total «porque traballaban demasiado».Entre os vigueses, Reixa acertou... [Lire la suite]
samedi 7 juin 2014

A CONSTITUCIÓN, LITERATURA DE DRAGÓNS E ESPADAS

O paseo de hoxe foi tamén con destino marcado. Achegueime ata Frutas El Valenciano, en Montirón, para mercar unhas patacas. De camiño déuseme por dubidar se os comerciantes desa tenda falarían galego. Logo contesteime reparando en que eu son vasco e fillo de vascos. A dúbida duroume uns segundos de impostura, algo que a monarquía leva séculos cometendo en Europa e Asia con plausible éxito. No caso de Europa, os reis teñen unha función exclusiva de garantiren o mito e a tradición; non acontece coma cos sátrapas árabes, que asemade... [Lire la suite]
Posté par Jaureguizar à 00:16 - Commentaires [0] - Permalien [#]
Tags : , , ,
vendredi 6 juin 2014

AS CHARLAS PERDIDAS

A mañá foi de asuntos pendentes. Ao cabo dei solucionados case que todos, quedándome un importante; coma se eu fose un Estado en sucesión monárquica. O ceo presentouse pesado e inclinado a derrubarse sobre os tellados mouros, e eu tiña pendente unha videoconferencia con rapaces de San Clodio e Vilamartín de Valdeorras a media mañá organizada por Fran Bouso, polo que metín présa aos Adidas para achegarme á xestoría de Hugo. Cada ano sométolle a miña vida económica do anterior para que me indique os montes e moreas que debo pagar... [Lire la suite]
Posté par Jaureguizar à 17:32 - Commentaires [0] - Permalien [#]
Tags : , , ,

jeudi 5 juin 2014

ACELERACIÓN

A Historia acelera de imprevisto. Mesmo cando pensamos que vai seguir o seu curso vagarento. Os expertos na monarquía levan tanto recomendando ao Rei que abicase e asumindo que non o faría que a renuncia os sorprendeu no segundo café da mañá. Asumían que resistiría no trono por moitos motivos, pero o principal era que o estaban incomodando coa súa insistencia. A Historia de España colleu velocidade un lunes de mañá, cando os biorritmos aínda estaban boquexando, cando os súbditos estaban preocupados por concretar o grado de... [Lire la suite]
Posté par Jaureguizar à 23:06 - Commentaires [0] - Permalien [#]
mercredi 4 juin 2014

AS LIÑAS AZUIS DE TAKESHIS

O paseo da mañá rematou coa sorpresa e o leve escándalo de ver que baixo o lombo da miña casa, na rúa de Galicia, están repintando as liñas azuis que clasifican as prazas para aparcar na ORA. A concesión municipal está cuestionada polo referendo á que a someteu algunha das nosas xuízas, Pilar de Lara e Estela San José. Son Sabelas I de Inglaterra que nos descobren que forzar a lei nada ten de aceptable aínda que se reitere durante décadas. Xa contra a noite, regreso a casa inusitadamente cedo en relación coa miña profesión, e sento... [Lire la suite]
Posté par Jaureguizar à 09:28 - Commentaires [0] - Permalien [#]
Tags : , , , , ,
mardi 3 juin 2014

UN FALSO ACELERÓN NA HISTORIA DE ESPAÑA

A xornada foi unha desas nas que a Historia acelera e nos adianta sen que nos decatásemos porque, cando miramos, corría pola zona morta do retrovisor. Abdicou o Rei para que non abdicase a monarquía. Nada cambia. A xefatura de estado español terá a mesma base irracional con Juan Carlos I ca con Felipe VI. A Historia de España semellou acelerarse porque hai un cambio de persoas, pero a institución vai continuar intacta -cos seus privilexios extravagantes e as súas obrigas formalistas-; logo foi unha aceleración en falso, limitada a... [Lire la suite]
Posté par Jaureguizar à 12:20 - Commentaires [0] - Permalien [#]
Tags : ,
lundi 2 juin 2014

JUAN CARLOS MONEDERO

Esta mañá regresei do paseo e liguei coa cola da entrevista de Kiko Novoa a Juan Carlos Monedero. Kiko, presentándolle as debilidades e contradicións de Podemos, e Monedero, salvándoas intelixentemente. Paréceme irrealizable o 90% das cousas que propoñen, pero celebraría que o dirixente do novo partido crese no 90% das cousas que propón. Pode que, se collen forza, logren algúns cambios cara a un maior control ético da actuacións das elites que se asignan o poder e a oposición con ánimo de exclusividade. Cando cheguei ao xornal... [Lire la suite]
Posté par Jaureguizar à 12:23 - Commentaires [0] - Permalien [#]