vendredi 20 avril 2007

A FANFARRIA ACTÚA EN COMPOSTELA

A Fanfarria actúa mañá en Compostela. Soamente podo prometer espectáculo.
Posté par Jaureguizar à 18:03 - Commentaires [0] - Permalien [#]

jeudi 19 avril 2007

CRÓNICA DUN DESENGANO

Agora que a idade me vai mudando en menos, e que teño un compositor favorito máis ben seriote descubro que hai guitarras que aínda me conmoven. Algunhas delas soan nun tema sobre unha acertada crónica dun desengano chamada Ben te foden. "Ministerio de Traballo, non currades un carallo..."
Posté par Jaureguizar à 15:20 - Commentaires [0] - Permalien [#]
mercredi 18 avril 2007

UNHA CHISCADELA DE WONG KAR-WAI

Hai uns días estiven mirando unha película de Wong Kar Wai do ano 2000, e reparei en que, a habitación que aluga o escritor do filme é a 2046, título que usou o director na cinta do ano 2004 (Seguro que agora xurde o sabichondo máis sabichondo do cinema nacional e tailandés:-) e inclúe unha ligazón de hai tres anos no seu blog na que sinalaba este detalle e eu quedo coma un parvo).
Posté par Jaureguizar à 15:45 - Commentaires [14] - Permalien [#]
mardi 17 avril 2007

CARTA A AGUSTÍN

Lendo a estupenda noticia, acordei das babecadas sobre a literatura galega que ceibou o único escritor capaz de fracasar asemade en dúas linguas e do que proclamaría a parroquia dalgún se o seu bispo acadase a metade da cuarta parte destas cifras. A seguir, reaccionei e reparei en que falábamos do éxito merecido por un escritor "para institutos" (non para institutos nos que subvencionamos viaxes). ¡Canto orgullo sentimos, Agustín!
Posté par Jaureguizar à 23:32 - Commentaires [5] - Permalien [#]
mardi 17 avril 2007

A FELICIDADE DO PLAXIADO

Manuel Vicent anunciou hai uns anos que ía tirar unha recompilación de artigos co título de Todo a cien. Atento aos antecedentes con Días contados, armeime de argumentos para iniciar unha demanda na defensa do meu traballo. Logo, esquecín o asunto. Leo agora que hai quen plaxia a esgalla. Cada quen sobreleva as súas doenzas como pode. A desmesura é divisa da súa obra, así que debe de comportarse igual no conxunto da súa vida. Pero hai casos nos que fai ben en roubar en finca allea porque hai quen case que semella secretamente... [Lire la suite]
Posté par Jaureguizar à 16:12 - Commentaires [2] - Permalien [#]
vendredi 13 avril 2007

THE SHOW BEGAN!

The Man Booker Prize ten xurado.
Posté par Jaureguizar à 00:26 - Commentaires [0] - Permalien [#]

jeudi 12 avril 2007

KURT VONNEGUT

Marchou.
Posté par Jaureguizar à 23:43 - Commentaires [0] - Permalien [#]
mardi 10 avril 2007

LA MAISON DE LUMIÈRE

Grazas ao Lumiére imos poder vera deliciosa A Casa da Luz no cinema. O proxecto, que dirixirá Carlos Amil, acadou unha axuda máxima: 300.000 euros. O intento transformar en animación unha das nosas mellores novelas dos últimos anos ficou, polo de agora, en intento. O noso Dream Team-LIX segue arrasando en puntuación e dando espectáculo polas canchas do país e, entre mentres, o país aplaudindo ás estrelas do futbito. O tempo pon a cada que no seu sitio... que gran mentira consolaparvos.
Posté par Jaureguizar à 16:13 - Commentaires [0] - Permalien [#]
dimanche 8 avril 2007

A VOLTA DO DREAM TEAM

O Dream Team da nosa LIX (ou sexa, da nosa literatura en xeral) está de novo en marcha. Os seus dous membros máis destacados figuran na alineación dunha colección que prepara Xerais para a volta do verán. As súas entregas van en parellas: O libro das viaxes imaxinarias terá asegurada a calidade nas ilustracións e Sucos de bágoas permitiranos descubrir un talento requintado para falar de soedade e melancolía. O equipo bota man dunha estrela extracomunitaria, quen achega o estarrecedor A noite do risón, en tradución (supoño que tan... [Lire la suite]
Posté par Jaureguizar à 23:23 - Commentaires [2] - Permalien [#]
dimanche 8 avril 2007

PAMUK VOLVE AO MUSEO DA INOCENCIA

Pamuk está de volta. Marchou ao pouco do acontecido o 19 de xaneiro. Pero agora regresou para rematar O museo da inocencia, unha novela que aparecerá contra fin de ano. En outubro ten previsto marchar de novo.
Posté par Jaureguizar à 01:20 - Commentaires [0] - Permalien [#]