Archives

A obra On beatuy de Zadie Smith gañou o Premio de Novela Europea Casino de Santiago, polo que será publicada por Galaxia. As finalistas foron Os libros arden mal, de  Manuel Rivas (Xerais); A ciegas, de Claudio Magris (Anagrama); A medición do mundo, de Daniel Kehlmann (Galaxia); Travesuras de una niña mala de Vargas Llosa (Alfaguara) e El sol de los Scorta, de  Laurent Gaudé (Píntega). On beauty logrou tamén o Premio Orange, foi seleccionada como unha das mellores novelas do 2005 polo New York Times. 

O gran descubrimento da pasada Fachenda foi unha música que sentín de fondo nunha reportaxe televisiva sobre a festa no homobarrio. Botoume para vinte anos atrás, cando descubrín este cumio xenial da frivolidade. Fascíname esa capacidade dos homohomes para manteren a fidelidade aos seus himnos, por vellos que sexan. Procureina no tubo, mais xa non era como eu a lembraba.

Unha caste de intelectual que me rilla no fígado é esa, tan abundante, que, orfa doutros méritos que o de dispor dunha columna nun xornal ou dun tempo para opinar nunha radiotelevisión, consagra esa sorte a queixarse da nula atención que a sociedade do tomate lles concede. Ignoro para que queren esa atención de semellante fato, mais iso non evita que cuestione a quen destino as miñas coordenadas económico-temporais cando merco un xornal e, nomeadamente, a quen destino os meus impostos cando, convencido da súa utilidade, os abono para... [Lire la suite]

Niccolò Ammaniti é o único da Gioventù Canibale que sobreviviu. Foi o mellor deles, aínda que soamente fose polo que ten de audaz.

Darío Villanueva entrou na Real Academia Española.

Na Rúa das Tabernas veñen de decidir que van dedicar o Día das Letras Galegas a Xosé María Álvarez Blázquez

O outro día foi Amos Oz, onte foi David Grossman: os xurados españois deben de soñaren con solucionar o problema a base de premios. Eu, como adoito, prefiro a proposta de paz que emiten os heterodoxos da ortodoxia.

A miña libraría de cabeceira cumpriu dez anos e, con ese motivo, pediunos contos a dez escritores relacionados don ela para publicar o precioso libriño Dez anos, dez historias, cunha capa ben chula de Noemí López. Os autores somos Pepa Barrios, José Campanari, Paula Carballeira, Ana Carreira, Pepe Coira, Manuel Darriba, Xosé Ramón Díaz, Toño Núñez, Xerardo Quintiá e mais eu, que escribín A trama de noite. Todos entendimos que se nos pedía un relato relacionado con libros, mesmo algúns intuímos que se nos pedía que fose relacionado coa... [Lire la suite]

O Premio Arcebispo San Clemente foi para Haruki Murakami. Os nosos rapaces saben de literatura. Os outros premiados foron María Reimóndez (en galego) e Vicente Molina Foix (en español). Reimóndez competía con Francisco Castro e con Diego Ameixeiras. Dos tres libros, eu quedo co de Ameixeiras, é o máis fresco. Sobre literatura española, non sei, non contesto.

Amos Oz levou Premio Príncipe de Asturias das Letras. Impúxose na derradeira votación a Ismail Kadaré. Hai unha chea de anos empecei A terceira condición de Oz, mais aburriume e deixeino