lundi 25 février 2013

NIETZSCHE COMO ACTIVIDADE EXTRAESCOLAR

Este ano morreu un pensador español importante. Tamén Eugenio Trías. O mes pasado marchou Marcelino Zapico, o meu profesor de Filosofía en Ribadeo. Tiven algún docente máis de pensamento, pero unicamente me lembro a el. A imaxe que reconstrúo é paseando en clase, de norte a sur, coas mans acariciándose nas costas mentres nos alumaba cos clásicos gregos. Sabía que era de Sotrondio, da Asturias mineira, áspera e revolucionaria. Porén, meteuse a cura. Iso si, de militancia xesuítica. No 1968 alporizou aos seus publicando Estado laico o... [Lire la suite]
Posté par Jaureguizar à 00:01 - Commentaires [0] - Permalien [#]

dimanche 24 février 2013

UNHA CARRAXE ARRASADORA

Rubalcaba pregunta a Rajoy ata cando pode aturar a sociedade esta situación. A pregunta é retórica porque o voceiro socialista sabe que a ira non é algo mensurable. Pero si unha forza descomunal. A cidadanía está irada, aniña unha carraxe arrasadora. Rajoy contesta cunha risa frouxa e chiscando un ollo no espasmo incontrolado de saberse incerto do que afirma. O presidente español cuestiona ao foro sobre se alguén pode reprocharlle incumprir as súas propostas de campaña. A ira non lle vai recoñecer mérito ningún, nin os que ten nin... [Lire la suite]
Posté par Jaureguizar à 11:53 - Commentaires [0] - Permalien [#]
samedi 23 février 2013

ANDARIEGO ENGRASADOR

No meu imaxinario, situei o vendedor de carne equina de par do oficio que Antonio Álvarez Solís chamaba en 1966 andariego engrasador e agora sei polo xornalista Xavier Colás que se coñecía como sustanciero nos lugares de Castela A Nova que percorría. O sustanciero avanzaba polas rúas detidamente, parando de casa en casa. Adentrábase ata a cociña e, diante da pota de sopa ou caldo ao lume, quitaba un óso de xamón ou de vaca do que termaba un cordel. Mollaba o bendito anaco graxento durante uns minutos e marchaba para a vivenda... [Lire la suite]
Posté par Jaureguizar à 09:07 - Commentaires [0] - Permalien [#]
vendredi 22 février 2013

HASTINGS

  Non deu feito a Historia, fracasou o cambio á democracia, foille imposible ao razoamento presidencialista, a crise económica revelouse ineficaz, non abrangueu a futura lei de transparencia. Un xogador de balonmán vencedor nas ambicións e derrotado nas prudencias vai ser o guerreiro insospeitado que gañe a Batalla de Hastings para os republicanos pola súa torpeza. Photo: Ray Demski
Posté par Jaureguizar à 18:08 - Commentaires [0] - Permalien [#]
jeudi 21 février 2013

A HUMIDADE NAS PUNTAS DOS DEDOS

A realidade non se deixa coñecer. Vai tranformándose a medida que nos achegamos a ela. O tempo vaina mudando a cada intre. O peralte desa curva xa o calculou Einstein. Camiñamos no medio da néboa coa man estendida. Cando pensamos que podemos tocar unha cousa, é ben outra. O único tanxible daquela é a humidade nas puntas dos dedos.
Posté par Jaureguizar à 19:21 - - Commentaires [0] - Permalien [#]
mercredi 20 février 2013

O CONFORT DE CARLOS NEGREIRA

  Carlos Negreira aconsella que Aurelia Rey reconduza a súa dignidade a unha residencia. O alcalde da Coruña está lonxe de percibir os elevados e puros motivos polos que unha muller de 85 anos decide facerse forte no interior da súa casa nun noveno andar. Simplifica o asunto a unha comparativa, situando a un lado do balance contable a mobilidade da señora e ao outro a comodidade de mirar o televisor onda outros anciáns mentres lle fan a cama e lle cociñan. Negreira non se decata que Aurelia terma da última concesión que se lle... [Lire la suite]
Posté par Jaureguizar à 07:26 - Commentaires [0] - Permalien [#]

mardi 19 février 2013

O CONCEPTO DE HORDA EN SALVA BALLESTA

Salva Ballesta non debe ser adestrador do Celta polo seu españolismo. Non polo españolismo en abstracto, que non debería obstaculizar o desenvolvemento axeitado do seu traballo, senón polo seu xeito concreto, xordo e bronco de exhibirse como español. Ballesta non parece exercer un nacionalismo reflexionado, senón defender a pertenza a España coma unha cuestión biolóxica e non cidadá, como se esta última puidese ser consecuencia directa da primeira. Ser español é "unha evidencia" para este adestrador. Dese sofisma infírese unha... [Lire la suite]
Posté par Jaureguizar à 00:05 - Commentaires [0] - Permalien [#]
lundi 18 février 2013

UNHA BOCALADA DE LUME

  Manuel Jabois citaba aí atrás a Lemmy Kilmister, líder de Mötorhead, cando cantaba aquilo de «foi unha época estupenda o verán de 1971. Non o lembro, pero nunca o esquecerei». Ese verán que non daba continuidade ao outono foi París para os norteamericanos que se pasearon polas ruínas celebrantes da primeira Guerra Mundial. Hemingway vagaba pola capital parisina coma por un afterhours no que a continua sorpresa axudaba a esquecer unha fame que amezaba coa permanencia. Lumen vén de recuperar o seu París era unha fiesta, que... [Lire la suite]
Posté par Jaureguizar à 12:58 - Commentaires [0] - Permalien [#]
dimanche 17 février 2013

UÑA DE MAMUT PARA CEAR

  AS MIÑAS FONTES favoritas son a que ocupa a praza do Campo, en Lugo, e as fontes de mexillóns. Aínda a pasada fin de semana apareceu un quilo de mexillóns grandes e negros coma as unllas dos mamuts para unha cea. Acabaron nunha fonte de Sargadelos que ten varios anos máis ca min. Quítoa do fondo do armario cando percibo que o xantar require solemnidade. Esa fonte lávase coa frecuencia e a dedicación de estropallo requerida, pero transfírelle unha capacidade abraiante para potenciar os sabores e os aromas. para seguir lendo ... [Lire la suite]
Posté par Jaureguizar à 00:00 - Commentaires [0] - Permalien [#]
samedi 16 février 2013

AS POMBAS FERIDAS DA XÉNESE

Eduard Limónov é un revolucionario de xenética estrana. Non é un burgués contrariado, como Fidel Castro ou o Ché Guevara. Ambos os dous aproveitaron os recursos económicos e formativos da súa condición burguesa para emprendela a balazos contra ela. Limónov sae dos suburbios dunha cidade industrial ucraniana para acabar, con 50 anos disparando a favor do serbobosnio Radovan Karadzic e, con 70, pagando con cárcere a insensatez de tratar de apartar ao neocomunista Vladimir Putin. Enmanuel Carrére vén de consagrarlle unha crónica... [Lire la suite]
Posté par Jaureguizar à 03:52 - Commentaires [0] - Permalien [#]