mercredi 1 septembre 2010

O FILLO DA FURIA, ILUSTRADO

A audacia de Mamed Casanova foi de tal magnitude que aínda hoxe, transcorrido case que un século dende os seus últimos atracos, interesou a Manuel López Poy e Miguel Fernández para contar a súa historia, como antes fixeran Valle-Inclán ou Pardo Bazán. Ambos os dous veñen de publicar Mamed Casanova. O fillo da furia (Demo Editorial publicou e fixo un interesante trailer), un volume de 96 páxinas que amosa nas primeiras páxinas a valentía case inconsciente do último bandoleiro, que delinquiu polo norte de Lugo e A Coruña. Manuel... [Lire la suite]
Posté par Jaureguizar à 14:04 - Commentaires [3] - Permalien [#]
Tags :

lundi 23 août 2010

O RETRETE DE SALINGER

ESTABA HAI un segundiño pensando no que faría se tivese un millón de dólares nunha conta dunha tía adiñeirada de New Hampshire sobre a que eu non soubese ata logo do seu pasamento. Trataba de decidir se poxaría polo retrete de Salinger que unha señora ofrece en eBay por esa cantidade. Tratar de facerme con tan singular evacuatorio seméllame algo razoable, porque, como anima a publicidade da cibercasa de subhastas, «quen sabe cantas historias se concibiron e pasaron ao papel mentres Salinger estaba sentado no seu trono». A verdade, non... [Lire la suite]
Posté par Jaureguizar à 00:03 - Commentaires [2] - Permalien [#]
Tags :
mercredi 11 août 2010

UNHA PULSEIRA DE TODO INCLUÍDO

ESTE VERÁN estame resultando de aburrimento nas pernas e pesadez na emoción, cuspidiño ao que describe Carson McCullers para inaugurar as páxinas de A voda (Xerais). Todo o que consigo é acordar de madrugada por sentirme un pito xirando no asadoiro para ser engulipado nun cámping. Como me custa durmir, miro Megaestruturas, esa serie de documentais que narra a xeira para que o aire acondicionado corra en cantidade razoable polo andar quincuaxésimo oitavo do edificio máis elevado de Dubai. Unha superestrutura é Motín na Bounty, a novela... [Lire la suite]
Posté par Jaureguizar à 12:10 - Commentaires [0] - Permalien [#]
Tags :
vendredi 4 juin 2010

XELADOS E CHICLES

CHEGUEI hai uns anos a Xerusalén lembrando a autobiografía de Amos Oz, ‘Unha historia de amor e negror’. O escritor confesaba «o xeito secreto, case máxico» no que el e os amigos fantasiaban coas futuras cidades do Israel libre. As urbes do país avanzaron polo rego da normalidade, borrando os soños conspiradores. Vin os rapaces paseando entre as pizzerías e as hamburgueserías da rúa comercial Jaffa. Como ía calor, mercaban xelados. Mesmo coñecín un condutor palestino que gustaba dos chicles Cheiw. No hotel, un camareiro árabe teimaba,... [Lire la suite]
Posté par Jaureguizar à 00:17 - Commentaires [0] - Permalien [#]
Tags :
samedi 15 mai 2010

IOGUR ALEMÁN

OS GREGOS de antigüidade pensaron tanto que deixaron todo pensado para ducias de xeracións. Eu admiro a Grecia, pero non tanto pola filosofía, como polo seu desenvolvemento do iogur. O punto de cremosidade que lle conseguiron é o premio á reflexión de moitos cociñeiros. Malia esa devoción, non me atrevo a afirmar se é motivo abondo como para que Europa pague a súa tanatopraxia, a maquillaxe que fixeron co seu cadáver económico. Ao cabo, o iogur grego que eu gozo está feito en Alemaña, un país polo que sinto máis respecto porque non... [Lire la suite]
Posté par Jaureguizar à 23:57 - Commentaires [0] - Permalien [#]
Tags :
lundi 10 mai 2010

PORNOGRAFÍA

O PRIMEIRO exemplar de Playboy non tiña numeración porque os promotores desconfiaban de que houbese un segundo. Era 1953 e nos EE.UU. aínda estaba vixente a lexilación antiobscenidade de 1712 que prohibía enviar imaxes eróticas por correo. O editor, Hugh Hefner, mercou unha foto de Marilyn espida e e chantouna na portada desafiando a maquinaria postal. Esa mesma maquinaria distribuíra milleiros de imaxes pornográficas para erguer a moral dos combatentes nas dúas guerras mundiais. Outros conflitos, Vietman e Corea, levaron ao Pentágono... [Lire la suite]
Posté par Jaureguizar à 12:01 - Commentaires [0] - Permalien [#]
Tags :

dimanche 2 mai 2010

OS CANDADOS DA LECTURA

OSCAR WILDE afirmaba que «os únicos problemas son os que ten un». Suso de Toro quixo convertir o seu problema laboral nun problema da cultura galega. Razón non lle falta cando denuncia que é primavera no best seller: nas crises, os lectores apostan os seus vinte euriños ao certo; ou sexa, a Dan Brown ou Stieg Larsson. Os cartos cóntanse agora cos dedos e as dedas, e procúrase atar o desembolso cun candado que garanta entretemento. A diferenza entre autores literarios e populares é unha manobra de distracción dos primeiros porque desta... [Lire la suite]
Posté par Jaureguizar à 12:56 - Commentaires [5] - Permalien [#]
Tags :
vendredi 30 avril 2010

AS SENTENZAS DE AGAPITO

TODAS AS mañás collo un folio en branco para ler o periódico. Trázolle unha liña negra vertical no centro. Da banda esquerda apunto as noticias inaceptables e da banda dereita, as aceptables. Na lista de noticias inaceptables de onte escribín as protestas reiteradas dos tribunais Constitucional e Supremo porque se lles afeen a torpeza e a lentitude. Os maxistrados están afeitos a traballar nunha cabina de cristal inmune aos comentarios coa excusa montesquiana do respecto ás decisións xudiciais,pero a percepción mudou e o periodismo... [Lire la suite]
Posté par Jaureguizar à 22:17 - Commentaires [0] - Permalien [#]
Tags :
mardi 27 avril 2010

SUSO DE TORO VOLVE (AO INSTITUTO)

FERRÁN ADRIÀ ten esa cualidade dos grandes xenios para desdobrarse. Pessoa xa o facía nos seus heterónimos, neses personaxes aos que poñía a escribir con diversos nomes. Agora que andan estudando ao poeta luso nas xornadas literarias de Neda, podían continuar analizando a heteronimia en Adrià. Obra de ficción non lle falta porque vén de publicar Cómo funciona El Bulli: los métodos, las ideas y la creatividad de Ferrán Adrià. O volume, editado por Phaidon, non desmerece das obras de Tolkien nin de J.K. Rowling porque é unha recreación... [Lire la suite]
Posté par Jaureguizar à 12:41 - Commentaires [0] - Permalien [#]
Tags :
vendredi 23 avril 2010

CELLAS RECURTADAS

DESCONFÍO dos homes que recurtan as cellas. Refírome a eses que collen unhas tesoiras e dan unha tallada a canto peliño lles sobresae por riba dos ollos. Vostedes tamén deberían desconfiar, máis ca deses que depilan o peito. As cellas teñen a súa función no corpo: deixarse empapuzar polo suor que nos escorrega pola fronte abaixo. Os rapaces que afeitan o corpo non deixan de buscar o brillo na pel, pero os señores que recurtan as cellas tratan de afastarse do noso pasado máis remoto, deses machotes que fomos no tempo das cavernas. Eses... [Lire la suite]
Posté par Jaureguizar à 23:02 - Commentaires [0] - Permalien [#]
Tags :