OS PREMIOS IMPORTANTES E OS QUE NON O SON

Disque un dos nosos grandes concorreu cunha novela ao Premio de Relatos por Entregas da Voz. Desta volta non foi finalista. Este comentario non pasa de ser unha apreciación porque o seu nome queda reservado pola plica. Leo en excesivas ocasións que cando un gaña un galardón dos cinco economicamente grandes, non debe volver a presentarse a ningún outro que teña menor dotación. A maiores de ter unha visión monetaria da importancia dos premios, esta postura ofrece unha ollada limitada do que é unha carreira literaria, na que os galardóns animan a presenza pública dos autores e a dotación anima as sentadas diante do ordenador. Dende logo, o autor debería volver intentalo o ano que vén.

Comments

[jaureguizar]

Convidado, nunca me presentei a ese concurso. Tampouco este ano. ¿Ou é que lle pasou pola cabeza que me refira a min mesmo como "un dos nosos grandes"? Ha, ha.

[jaureguizar]

Rompe, as carreiras literarias teñen bastante de ginkanas. Os atrancos extraliterarios son moitos.

[Convidado]

Lamento que te quedases sen premio, Jaureguizar, pero ao mellor o gañador o merece, se non tanto coma a ti, tamén algo, ¿non cres?

[brautigan]

e qué vén sendo iso de "un dos nosos grandes"?

[rompe]

Creo que confundes unha carreira literaria cunha ginkana.