UNHA CHISCADELA DE WONG KAR-WAI

Hai uns días estiven mirando unha película de Wong Kar Wai do ano 2000, e reparei en que, a habitación que aluga o escritor do filme é a 2046, título que usou o director na cinta do ano 2004 (Seguro que agora xurde o sabichondo máis sabichondo do cinema nacional e tailandés:-) e inclúe unha ligazón de hai tres anos no seu blog na que sinalaba este detalle e eu quedo coma un parvo).

Comments

[arumes]

Amigo Brautigan: xunto as palmas das miñas máns, levoas á punta do naris e fago unha reverencia de agradecemento. Canto aprende un por internet.

[brautigan]

arumes, en Wong Kar-Wai, o nome debera ser Wai, ou Kar-Wai.

[arumes]

Amigo Pawley: en que lugar hanse proxectar hoxe as películas para que acaden o prestixio necesario? ;)
DE tódolos xeitos, ver como lle rebanan certas partes nas pelis de Kim Ki DUk nos centros comerciais é fetén, fetén: as fucking pop corn quedan para sempre na gorxa dalgún indocumentado que cre entrar por mirar unha de chiños.

[Martin Pawley]

Entre "2046" e "Desexando amar", seguramente eu tamén escollería a segunda. E á cabeza dos meus WKW favoritos tamén está "Happy together".

Dos asiáticos: co tailandés Apichatpong nin o intente porque non lle vai gustar. O chinés Jia Zhang-ke é posíbel que lle interese algo; eu empezaría con "O mundo". As de Kitano e as de Kim Ki-Duk agora as estrean até nos centros comerciais, así que xa perderon interese ;-)

[Sintagma in Blue]

Eu non é por malmeter (qué é) pero 2046 é algo tan simple como a segunda parte de Desexando amar. Para min, dúas pezas maxistrais con ese ritmo hipnótico de imaxes e son. O director de fotografía é o mesmo en ambas as dúas, responsable dese fetichismo sutil tan fascinante.

Bicos