A VER SE VAI SER CERTO O DA INSPIRACIÓN

Aconteceu de madrugada. Alá foi un mes que empecei a muiñar nunha novela que teño de rematar contra fins de marzo. Hai unha semana dei alumeado o arrinque, pero cada vez que tiraba do bico dese fío na procura do resto da trama, se me rachaba. Esta madrugada, arredor das catro, acordei e empezou a corretear polo meu maxín a novela completa. Erguínme, por suposto, ainda non ben esperto, e esborranchei un folio cos fitos da trama que se me apareceran.

Comments

[jaureguizar]

Moitas grazas, Amara. O primeiro é aclararlle que os contos de http://seishoras.canalblog.com/ son lembranzas de soños da noite anterior. Limítome a contar o que soño no caso de que se me acorde. Son curiosos porque semellan restos de fantasías noturnas sen aproveitamento, pero me serven para as novelas.

[amara orzania]

Todo está en nós. Sen sabelo, levamos dentro esa trama, esa emoción que darán vida a unha novela, a un relato ou a un poema. Todo está en nós é non o sabemos, ata ese momento de luz que de súpeto alumea o noso interior.

De paso, parabens polos teus contos breves,son boísimos. Fánme rír a esgalla.