MOISÉS BARCIA: "PRETENDEMOS VENDER EN ESPAÑA COA IDEA DA FRIVOLIDADE"

Iago Martínez entrevista a Moisés Barcia co gallo do debut de Pulp Books: ["A nosa intención non é redimir a literatura galega”, matiza o editor. “Máis ben todo o contrario: pretendemos facer un produto sincero e xogar, dun xeito algo trampulleiro, coa idea de frivolidade”.(...) Aí reside o truco de Pulp Books: en inocular a literatura galega no mercado español con edicións que aproveitan, sen ocultalo, o espazo aberto por selos independentes como Impedimenta, Errata Naturae ou Alpha Decay, entre outros. Edicións imaxinativas e de calidade. O reto agora é facerse un oco. Gañar a batalla da distribución e sobrevivir na da promoción. Para o primeiro, segundo Moisés R. Barcia, non hai moito que inventar: contratar a opción máis acaída aos obxectivos, pagar o prezo correspondente e cruzar os dedos para non quedar arrombado. Para o segundo, Pulp Books aposta por dirixir a promoción dende Galicia e espremer as posibilidades da rede para aforrar as peaxes de ser periférico. “Tenteando e afinando unha e outra vez”.]

Comments

[jaureguizar]

É unha estratexia intelixente para unha operación arriscada. Ogallá poidamos vender libros de aquí e dende aquí.

[sacana]

Traducións, claro.
Mirando a listaxe inicial, quitando o de Bieito Iglesias, vai a cousa ris con ras. Non é problema, desde logo, porque a literatura publicada actualmente en castelán é igual de ramplona fóra de traducións de forasteiros. Se consideramos isto, Pulp debera saír adiante.