mercredi 13 décembre 2006

SEIS HORAS

Quedan seis horas para que me erga, tome o café na miña taza favorita (é branca e a lenda pon en sueco: Obxecto de cerámica), intente reanimar unha novela que teño decaída, dea o biberón ao Pequena Buda, vista a miña Barbie para que a súa nai a achegue ao colexio, vaia contarlle ao doutor Braña que me doe un talón, conduza ata Coruña, conteste unhas preguntas, recolla un diploma ou algo polo meu finalismo, regrese a Lugo, xante, acuda ao xornal, faga unhas páxinas, tome notas dunha sicóloga por un seu primeiro libro de narrativa,... [Lire la suite]
Posté par Jaureguizar à 00:37 - Commentaires [4] - Permalien [#]

mardi 12 décembre 2006

PLAXIO

O Cid Cabido norteamericano  acordou dun longo silencio.
Posté par Jaureguizar à 16:27 - Commentaires [0] - Permalien [#]
mardi 12 décembre 2006

UNHA CUESTIÓN PERSOAL

Asumo que se me insulte e ata se me rebata polas cousas que escribo, pero non polas que non escribo. Estánme atribuíndo comentarios con alcume e mesmo co meu nome, nun foro galego que eu visitei en tres ocasións para advertir de que asino todo o que escribo en Internet co meu apelido. Trátase dun espazo no que non teño nin tempo nin interese en colaborar, malia que lea os fíos de literatura. Dispoño todo o material preciso recompilado para demostrar o que digo, pero antes de encargar o asunto á miña avogada, co que iso me vai supoñer... [Lire la suite]
Posté par Jaureguizar à 00:11 - Commentaires [9] - Permalien [#]
jeudi 7 décembre 2006

TRASCENDENCIA

Cada vez que nado na piscina,con todos os sentidos atoados pola auga, estou tan concentrado que se me evapora o espírito e penso en Deus. Falta moito?
Posté par Jaureguizar à 15:21 - Commentaires [9] - Permalien [#]
jeudi 7 décembre 2006

TRECE

A familia medra. Somos un máis. O novo é coruñés. Cunhas ilustracións limpas e bonitas. Esta é unha crónica deformada da miña infancia na vila máis señoritinga do país e, con ela, quedei de finalista no Meiga Moira. Houbo quen o fixo mellor ca min.
Posté par Jaureguizar à 15:09 - Commentaires [6] - Permalien [#]
mercredi 6 décembre 2006

XEOPOLÍTICA

A min tamén me deu esta impresión. Se non a fixen pública é por non ser reiterativo. Pero si, sabemos por que non lle gustaba Horacio Dopico porque xa llo limos; non por que lle gusta o narrador de agora. A narrativa de Diego non cambiou tanto como xustificar tal cambio no comentarista. Cando un escribe algo diferente do que pensa e, nomeadamente, sobre un libro cunha intención que non captou, mételle tantos apoios argumentais que acaba por desconcertar. A conclusión que tirei é que a el non lle gustaba, pero que se recoñecía un... [Lire la suite]
Posté par Jaureguizar à 08:22 - Commentaires [13] - Permalien [#]
dimanche 3 décembre 2006

1995

Eu tamén fun un deles. Onde vai todo aquilo? Desculpen a morriña, é que é domingo pola tarde e un txirimiri se esfaragulla sobre Lugo.
Posté par Jaureguizar à 16:01 - Commentaires [3] - Permalien [#]
dimanche 3 décembre 2006

CONTOS PARA ALMORZAR

Cando era rapaz, descubrimos que Iñaki ceaba se eu lle contaba unha historia. Durante anos, apliqueime no exercicio cotián de entretelo para que comese cun conto improvisado. Foi un bo exercicio. Sara érguese cedo e varias veces intentei entretela con relatos creados para ela sobre a marcha. "É que non me interesa", adoita rexeitalos. A outra mañá, reneguei da miña bonita condición de pai contacontos e púxenlle a televisión. Ao terceiro anuncio advertiume de que xa sabía o que ía pedir aos Reis.
Posté par Jaureguizar à 11:26 - Commentaires [0] - Permalien [#]
samedi 2 décembre 2006

AS VACAS MORTAS NA REDE

Brétemas xerou unha intensa expectación anunciando que A cova das vacas mortas sería presentado en rede. De feito, eu penso que a rede debe ser o espazo central para presentar os libros.
Posté par Jaureguizar à 02:05 - Commentaires [6] - Permalien [#]