O ENIGMA DE MALLORY

Hai uns días pre-presentei a miña nova novela, Plastilina nos pulmóns, a un grupiño de profesores de ensino medio. Informeinos de que, tras a trama do meu libro, está o enigma de se realmente Mallory foi o primeiro ser humano (se consideramos o Ieti como besta) en pisar o cumio do Everest en 1924 ou se foi o apicultor neozelandés. Eu sempre quixen pensar en que Mallory deu chegado: pola súa lendaria fortaleza física e a súa técnica elevada, porque foi albiscado cerca do curuto do monte e porque non se atopou unha fotografía da súa muller cando se deu co seu cadáver e himalaísta prometera que a chantaría no pico. Outros, aseguran que é imposible que daquela superasen o Segundo Banzo.