LEO CALDAS INVESTIGA UNHA MORTE EN PANXÓN

Despois de que resolvese o asasinato dun saxofonista en Ollos de auga, Domingo Villar pon ao seu detective Leo Caldas a investigar a morte dun mariñeiro en Panxón en A Praia dos Afogados. Esta segunda entrega ten cincocentos folios e será editada por Galaxia antes do verán. Haberá tamén versión en español en Siruela.

Comments

[jaureguizar]

Eu si lle mirei moito humor na reacción do aragonés fronte ao peculiar mundo galego. Xa veremos se 500 páxinas son moitas ou non. A mín, falo en xeral, non se me acorda un libro desas dimensións ao que non lle sobrasen unhas cantas.

[corsario]

Boto en falla un pouco de temperatura na novela, un pouco de calor porque ás veces é un tanto fría aínda que entretida e lese dunha tirada, o que non é pouca cousa. Viríalle ben un pouco de humor porque hoxe en dia se a novela negra, máis en Galicia, non ten ironía, humor, perde puntos. NOn serán demasuiadas 500 paxinas?

[Antón de Muros]

A min gustoume moito a novela Ollos de auga.
Saúdos dende o verán.

Antón.

[Jaureguizar]

Desculpe, Lector. A min pareceume unha estupenda novela negra. Moi clasicota, iso si; Villar non arrisca nada, pero é un magnífico xeito de gozar durante catro horas de lectura (que as teña seguidas, aproveitaralle máis). 'Ollos de auga' é a literatura popular que precisamos.

[lector]

Esperemos que mellore o anterior, un pesadelo dunha simpleza apampanante