jeudi 28 janvier 2010

381 APOIOS AO MANIFESTO DOS 11

AELG: "A Asociación de Escritores en Lingua Galega, agrupada na actualidade entorno a un colectivo de 381 autoras e autores, representantes da creación literaria en lingua galega, expresa o seu apoio aos once escritores galardoados no seu día co Premio Nacional, e comparte o seu reclamo da necesaria valoración responsábel e obxectiva para a cultura galega, pensada e (re)creada en galego, entendéndoa sempre integrada nun escenario permeábel e aberto ao mundo desde a procura da necesaria reatroalimentación que comeza polo... [Lire la suite]
Posté par Jaureguizar à 13:16 - Commentaires [0] - Permalien [#]

mercredi 27 janvier 2010

OS EDITORES CHAMAN A VARELA A RETRACTARSE

Asociación Galega de Editores: "Convidamos ao Conselleiro de Cultura, Roberto Varela, a recapacitar sobre as súas declaracións, a retractarse, a que procure o consenso co sector, desde o coñecemento real dos seus problemas e necesidades, e a que asuma, como corresponde ao máximo responsable da política cultural dun país, que declaracións deste tipo poden danar gravemente a imaxe pública da industria editorial galega, que non merece ser tratada dun xeito desleal".
Posté par Jaureguizar à 17:12 - Commentaires [0] - Permalien [#]
mercredi 27 janvier 2010

OS RUMOROSOS DO CORREO: "POR QUE SE SUMOU ALFREDO CONDE?"

AntónTrabanca, en 'Os Rumorosos' do Correo: "¿Por que se sumó Alfredo Conde a la carta de los premios nacionales? Es la gran sorpresa de la misiva y hay muchos que se preguntan las razones".
Posté par Jaureguizar à 16:42 - Commentaires [0] - Permalien [#]
mercredi 27 janvier 2010

ROBERTO VARELA: "NON TIVEN NINGÚN MOMENTO DE FRAQUEZA"

"-¿Vai dimitir? -Non. E menos porque mo pidan once escritores. -¿Non chegou a valoralo? -Nin o pensei. Non tiven ningún momento de fraqueza." "Todos xuntos temos que empezar a pensar un pouco en facer país dando a coñecer a nosa identidade. E hai cousas que non axudan precisamente a iso. Por exemplo, percibo que hai moitos grupos, moitas tendencias, que viven illadas entre si." Entrevista con M. Cheda, na Voz)
Posté par Jaureguizar à 12:46 - Commentaires [1] - Permalien [#]
mercredi 27 janvier 2010

O PREMIO FUNDACIÓN CAIXA GALICIA, BIENAL

Os premios literarios tenden a seren orixinais, pero tamén son de carne e óso. A crise arramblou con medio Premio Fundación Caixa Galicia. Este ano, Xerais convocou o homónimo para adultos e o Merlín para cativos, tendo que deixar o de novela xuvenil para o ano que vén porque o patrocinador entendeu necesario deixar no seu peto 10.000 euros. O galardón pasa a ser bienal.
Posté par Jaureguizar à 02:29 - Commentaires [2] - Permalien [#]
lundi 25 janvier 2010

O OULET DA CULTURA GALEGA

NAPOLEONE di Buonaparte naceu corso. De feito, no momento en que a comadroa o collía en brazos para limpalo de sangue e xelatinas, o exército galo entraba en Ajaccio tras derrotar aos nacionalistas, nos que militaba o pai do futuro emperador. Max Gallo conta na súa amena biografía sobre o ditador ilustrado que na Academia de Autun, onde o enviaron de neno, cederon aos alumnos dous metros cadrados de terreo. Napoleón, que daquela odiaba aos franceses, comportouse coma un galego de vello: puxo un valado ao redor do anaco de leira que... [Lire la suite]
Posté par Jaureguizar à 23:39 - Commentaires [1] - Permalien [#]

lundi 25 janvier 2010

11 PETICIÓNS DE QUE CESE O CONSELLEIRO DE CULTURA

Galegos con Premio Nacional español: "O señor conselleiro de Cultura da Xunta de Galicia vén de facer pública, e non por primeira vez, unha análise da cultura galega temeraria e negativa. Antes xa nos ten ofrecido a súa opinión de que “a cultura galega limita”, unha descualificación da nosa mesma identidade colectiva. Deberemos deixar de ter cultura propia, deixar de sermos galegos para non estar “limitados”? Como pode protexer e traballar a prol da nosa cultura quen se expresa con ese fondo complexo de inferioridade identitario?... [Lire la suite]
Posté par Jaureguizar à 16:55 - Commentaires [1] - Permalien [#]
lundi 25 janvier 2010

ROBERTO VARELA: "NON VOU DIMITIR"

ROBERTO VARELA, en Xornal: "Non vou responder aínda a carta dos Premios Nacionais porque non a coñezo, pero nin se me pasa pola cabeza dimitir". Con estas palabras, o conselleiro de Cultura, Roberto Varela, abordou a misiva dos once escritores en galego laureados co galardón do Estado Español na que lle esixen a Varela que abandone o seu cargo por falta de consideración e descoñecemento da cultura galega.
Posté par Jaureguizar à 16:51 - Commentaires [0] - Permalien [#]
lundi 25 janvier 2010

11 AUTORIDADES SOLICITAN A ROBBY QUE MARCHE

Once autores galegos, con obras escritas en lingua galega, recibiron nos últimos vinte e cinco anos o Premio Nacional de Literatura que concede o Ministerio de Cultura. Uns como narradores ou autores de textos teatrais, outros como ensaístas ou tradutores. Cada un dende as súas coordenadas estéticas e políticas, cada un a lombos de cadansúa xeración. Ao longo deste tempo, os premiados nunca se presentaron publicamente todos xuntos. De feito, até que asinaron a carta que se fará pública nas próximas horas, só tiñan en común unha liña... [Lire la suite]
Posté par Jaureguizar à 12:40 - Commentaires [2] - Permalien [#]
vendredi 22 janvier 2010

SEGUNDA DIMISIÓN DE VARELA? PRIMEIRA DE LORENZO?

O ruxerruxe de que Roberto Varela dixo a Feijoo que marchaba do executivo esta mañá en Fitur súmase a outros no mesmo sentido. A primeira dimisión teríase producido en xullo, no patio do Hostal dos Reis Católicos, diante de varios persoeiros da nosa cultura. O conselleiro, que levaba xa dous meses e e medio explicando que a cultura galega non é necesariamente en galego, tivo que aturar rifas de varios presentes e tirou de móbil para chamar ao presidente. Nada pasou daquela. Seica esta mañá en Fitur foron vistos tamén en harmonía.... [Lire la suite]
Posté par Jaureguizar à 22:39 - Commentaires [2] - Permalien [#]