2072: TRASLADAN A CELA Á CIDADE DA CULTURA ATA A FIN DOS DEREITOS

M,. Cheda, na Voz: [O preacordo ao que o Goberno autónomo chegou o 27 de maio coa Fundación Camilo José Cela para a integración desta última na esfera pública descarga nun grupo de expertos de futura constitución a responsabilidade de precisar que partes do legado do Nobel deben continuar en Padrón e cales procede trasladar ao monte Gaiás, nos arredores de Santiago. As que finalmente poidan levar ao complexo compostelán permanecerían alí, como tamén prescribe o pacto referido, durante 62 anos, ou sexa, ata o 2072, cando, transcorridos sete decenios desde a morte do literato, expirarán os dereitos de autor sobre a súa vasta produción.]