SENDE AVOGA POLO BIORTOGRAFISMO

SECHU SENDE, en Galiciaé: "Eu aposto pola convivencia das dúas opcións ortográficas, sabendo que é un proceso no que todas as forzas sociais deben participar en plena igualdade. O que non se pode facer é excluír a unha parte importante da xente que loita pola lingua. Levamos toda a vida intentando convencer, expondo argumentos para que a xente que fala menos galego, ou nada, que fala castelán habitualmente, participe no proceso de normalizacion lingüÍstica, mais ao mesmo tempo estamos impedíndolle á xente que fala galego todos os días, que escribe en galego, que fai festivais, que organiza xornais ou revistas, que ten locais sociais, que participe desta corrente normalizadora como se estivesen estigmatizados. Hai unha serie de prexuízos a diferente nivel, nos que cae todo o mundo e eu penso que é o momento de superalos. E así, que cando hai que saír á rúa ou defender a lingua, o fagamos xuntos.

Comments

[jaureguizar]

Sende di hai que evitar que nos ataquemos entre os defensores da lingua e iso é razoable.

[doink]

Home, o galego reintegrado está ben máis preto da lingua portuguesa do que o normativo, iso é innegable. Pero Galicia é terra de sarillos, e non sei se precisamos engadir outro á morea.

[jaureguizar]

A min faiseme sensato o que propón Sechu

[Casdeiro]

Eu levo defendendo tamén a convivencia das dúas principais opcións ortográficas desde hai tempo. É algo que xa sucedeu e sucede con outras lenguas noutros lugares do mundo. Por que non aquí? Sería penso eu moi positivo para a nosa lingua e permitiría sumar esforzos no canto de perder enerxías no combate ao aliado natural.

[jaureguizar]

Supoño que se refire a que mantivo a súa opción ortográfica.