DERRADEIRA HOMENAXE AO CRONISTA NON OFICIAL

Galicia Hoxe: Hoxe, ás dez da mañá, será incinerado no Tanatorio das Burgas, en Ourense, o cadáver de Marcos Valcárcel, historiador e periodista. O acto terá lugar en estrita intimidade, por desexo da familia, pero pola tarde, a partir das seis, no Liceo de Ourense, os seus amigos celebrarán unha pequena homenaxe con lecturas de poemas e de textos escritos polo propio Valcárcel, considerado "o cronista non oficial" da cidade.