A CASA GRANDE DA EDITORA

Reproduzo a contestación dos editores ás informacións da Voz:

"Diante das informacións aparecidas nestes días nas páxinas dalgún medio de comunicación arredor do tema dos dereitos de autor, ou mellor, do impago dos dereitos de autor por parte dalgunha editorial, e do debate que se está a producir, parécenos obrigado facer, dende a Asociación Galega de Editores (AGE), algunhas puntualizacións:

-O pago dos dereitos de autor e a transparencia na liquidación dos mesmos é un dereito incuestionable.

-Esta obriga vén recollida no contrato de edición, de esixencia legal (texto refundido da Lei de Propiedade Intelectual. Real Decreto Lexislativo 1/1996, de 12 de abril)

-A Consellería de Cultura esixe, dende hai moitos anos, a presentación deses contratos así como de certificados de tiraxe para calquera tipo de compra ou axuda á produción editorial.

-Os autores (escritores, tradutores e ilustradores) deben esixir, mesmo pola vía legal, que se respecten as condicións pactadas nos contratos asinados.

-A AGE promove entre os seus asociados –neste momento 35 empresas editoriais- a profesionalización do sector, recomendando sistematicamente o desenvolvemento de boas prácticas editoriais.

Dito isto, é evidente que poden xurdir problemas, malestar e, vistas as declaracións, casos de incumprimento na liquidación dos dereitos de autor, pero é absolutamente inxusto e irresponsable danar indiscriminadamente a imaxe de todo o sector editorial galego. Un sector editorial que teima por profesionalizarse, darse a coñecer e saír ao exterior. Un sector que teima por medrar e consolidarse, aínda tendo que bater contra certo descoñecemento e contra algunha incomprensión que non nos vai arredar do noso camiño: editar en Galicia, dando soporte á normalización lingüística, facendo país e difundindo a lingua e cultura de noso".

Érase unha vez que eu (Jaureguizar) participei nun xantar cunha editora e que ela nos describiu as reformas que ía acometer nunha casa grande na vila na que estábamos. Eu moqueime ela porque me debía catro anos de dereitos de autor. Ao día seguinte denunciei o contrato coa súa empresa e ela non tardou unha semana en enviarme o que me adebedaba. ¿Sería que o pago dos dereitos non lle representaban tanto como pensara durante os catro anos anteriores? ¿Deulle un subidón de ética para cumprir o seu compromiso legal? ¿Ou que as reformas animan moito?

Non xeralicemos é moi inxusto; Xerais paga, Galaxia paga, Sotelo Blanco (na nova etapa) paga e outras moitas que o fan. Hainas tamén que non cumpren: ¿temos que publicar os nomes?

Comments

[oucomballa]

Estiven uns días sen entrar e vexo non vos poido deixar solos... menuda liorta montádeches... Por pasos: sempre tivo coña o do "Volter" ourensán... Risco mediante (que en paz descanse maila o agarimo que lle teño), que nunca chegou a entender aos dadás: de ter estado no Voltaire zuriqués estaría como polbo en garaxe ou como Castelao no París de 1921. E dous: o problema en Galiza non é que tal editorial pague ou tal outra si... o problema (endémico) e que nin Dios (salvo honrosas excepcións) ten compromiso cos deberes.

[Salsa]

E digo eu, despois de toda esta "revolta", pagáronlle a alguén os dereitos pendentes? Polo que eu sei, non. E seguirán a dicir que cumpren. Ben, xa sabemos as que pagan, mais as que non pagan ..., quen se atreve a dicilo? Por que lles hai que chamar interesados ou outras lindezas aos que reclaman o seu? A que se montaría se alguén acudise ao xulgado. Dadas certas influencias, negaríaselle o pan e o sal a quen o fixer ...

[El Interventor]

Baixeiras: adelante, sigue preguntando a Pulgar de donde le viene a su fondo tanta exportación. En estos dias una diputada de IU en el Congreso ha planteado una serie de preguntas que quizás aclaren indirectamente "la fortuna" de Pulgar con esas compras que eliminan los stocks en almacén. La diputada pregunta a tenor de la noticia anunciada durante la reciente visita de Evo Morales España que la famosa condonación de la deuda se realizará a cambio de inversiones de Bolivia en material de Educación. Según parece esas inversiones se traduciran en compra de libros por parte de Bolivia de las editoriales Santillana y Alfaguara (se explica la razonable aceptación que El País ha dispensado a Evo Morales) Tirando de hilos semejantes quizá llegue Usted a pillar a algún "pillado" que se haya movido con mañas semejantes por los vericuetos burocráticos de la Administración y el tráfico de influencias. Siga, siga y que el Sr Pulgar aclare de una vez las cantidades recibidas (si no lo hace quedará como un fementido malandrín) y luego a ver si los que concedieron esas compras nos dicen a donde han ido. Siga, siga, que por el hilo se puede llegar a la manta.

[Baixeiras Leiras]

Fixome vostede traballar moito de valde. Porqué me dí que mire os DOGAS, si alí soio veñen as partidas que se dan para cada promoción pero non a quén se dan...?
Como é vostede. Non son nen xubilado nen funcionario,o primeiro quedame moi lonxe e non teño todo o tempo do mundo.
Cando quixen facer un pequeno dibuxo do que eu escoito nos corrillos do mundiño editorial, puxen aqueles datos da súa editora, ou que vostede dirixe, non estou o tanto destes matices, pero senon é verdade podía desmentilos dando os datos de verdade e comparandoos co que recibiron os demais editores nos últimos cinco anos.
Pode ser un dato interesante para que Jaure, futuro editor, poida entender, como se lle fan as veiras a administración xa que entendo que é novo nestas artes e todo consello vai ser pouco nesta dificil industria cultural.

[X. B. Leiras]

Benquerido Jaure, é tarde para facer ise plantexamento. Mellor que vai facendo algunha reflexión a cerca de si esta situación xera algún dereito para os herdeiros de Risco e cumpra cas súas obrigas. Eu, penso que nunha interpretación extensiva da Propiedade industrial e intectual estaría vostede en falso. É posibel que lle poidan pechar o chiringuito e porlle problemas a novela polo título. Sería legal ainda que considero que non xusto.