OCUPADO

Nacho ten curiosidade por saber en que traballo. Ando fedellando nun macroproxecto narrativo que pode roldar ás seiscentas páxinas e que será a miña ocupación central ata primeiros do 2010. Non contarei máis a respecto del porque aínda non hai papeis asinados e debo un respecto á outra parte contratante. Tamén fuchico na Historia recente da música en Lugo para un volume colectivo de divulgación e mais preparo o limiar coa fin de introducir unha tradución para o galego ben suxestiva. A maiores trato de rematar unha novela destinada a adultos. Redacto o quinto borrador en tempos mortos e sigo comprobando que require varios fervores máis.

Comments

[Jaureguizar]

¡Non me deixe coa intriga!

[Syldavija]

son técnicas de motivación! E teño confianza en vostede por quen é e, entre outras cousas, porque teño un plan, un esquema, que un día, de vagar, heille explicar e espero que comprenda.

[Jaureguizar]

Sylvadija, ten vostede unha confianza en min que espero satisfacer ou que vostede non se decate se non o dou conseguido.

[syldavija]

Hai un que abofé será excelente!

[jaureguizar]

Os resultados serán como todo na vida: bos, malos e mediopensionistas, que di meu pai. Agradézolle ben o seu comentario. Fíxome pensar que, entre todos as afirmacións coas que me amolaron os meus benqueridos detractores, nunca estivo a de ser eu nugallán.