O GORDO DAS LETRAS VENDEUSE ÍNTEGRO EN MONFORTE
O sábado de onte foi un sábado bonito. Ben cansei de lindar pícaros; abondoume de mirar unha de romanos en versión 3D, pero a primeira hora da tarde chamoume a miña xefa, Rocío, con ánimo en K.O. "Gañou o teu! Gañou o teu! Non pode ser!". Os periodistas temos un sistema inverso de ledicias e decepcións. Ás veces morre un gran escritor e nos poñemos contentos porque nos salva un día informativamente baleiro. A victoria do meu significa que, un ano máis, o Gordo das Letras tocaba na provincia de Lugo e, un ano máis tocaranos traballar a eito un 17 de maio e arredores. Pero, eu nesta edición, alédome por il -que din no seu Monforte-, e sinto emoción por iso que marcaba Rivas, porque "a Academia foi valente" e botouse ao monte da modernidade salvaxe.