1.500 MILLÓNS DE CUESTIÓNS MÁIS IMPORTANTES CA UNHA IMPORTANTE

Os directivos da nosa maior entidade financieira teñen 1.500 millóns de cuestións en que ocuparse. Por iso, non lle prestan a atención que requeriría, de seren outras as circunstancias, ás críticas que se lles amorean nas caixas de correo e nos buzóns de voz por parte de xornalistas incomodados pola rendición dos seus galardóns aos cálculos prexubilatorios e de proxección do presidente do xurado.

Comments

[sacana]

Aí está o asunto. En caso de lanzar unha acusación semellante (polo menos, a que intúo), mellor é traer algo sólido. Protexer as "fontes" é unha cousa, e outra isto. Imaxine que ó final non hai o que se pensaba que había. É o que lle digo: hai que sabelo primeiro.

[jaureguizar]

Buf! Non quixera explicar moito máis. A min chegáronme comentarios críticos sobre o xeito no que o presidente do xurado fai o seu labor, pero teño que deixalo nese punto porque as persoas que me transmiten cousas fano na confianza de que nos as vou repetir. Hai xente que prefire que non trascendan os seus comentarios e un ten que protexer ás súas fontes mesmo de sospeitas sobre a súa identidade.

[sacana]

Jaureguizar, nisto non me parece un obseso, pero si bastante críptico. O post non aclara nada en absoluto. Parece suxerir que se favorece en algo a Alfredo Conde, pero pouco máis. Non se dan razóns. Por iso digo que non sei de que diaño trata todo isto.

[jaureguizar]

Os argumentos xa non os vou reiterar, pero non se trata de que sempre os leven os mesmos. Ninguén dixo tal. Pola miña banda, non discuto os premios que levou Rivas: é un grande artiguista e un gran reporteiro.

[sacana]

O que non se sabe é en que basean as súas reclamacións eses periodistas. En que os premios sempre os levan os mesmos? Pois logo Rivas á cadea. E, no ámbito da narrativa, o clan da prosa confundida con narrativa. Todos eses levan sempre os premios.
Non é unha carallada? Madia leva.