'INDOOR', PREMIO DIARIO CULTURAL DE TEATRO
CRTVG [O xurado do IV Premio Diario Cultural de Teatro Radiofónico decidiu por maioría outorgarlle o galardón desta cuarta edición á obra Indoor, escrita por Vanesa Martínez Sotelo. O Premio da Audiencia foi para “O vento da illa”, de Begoña García Ferreira. Cada galardón está dotado con 3.000 euros. O xurado, composto por Ánxeles Cuña, directora de teatro e dramaturga; Ana Romaní, directora do “Diario Cultural” da RG; Rubén Ruibal, dramaturgo e gañador da última edición; María Paredes, coordinadora de programación da Agadic, e o crítico teatral Camilo Franco, subliñou “a escrita contemporánea da obra gañadora, ‘Indoor’, así como a orixinalidade do texto cun ritmo medido e marcado para o tempo esixido e a súa linguaxe expresiva e poética na que destaca tamén o manexo da síntese”.]