19.32
A teoría aceptada máis acriticamente polos xornalistas de Madrid que reflexionaron sobre o ambiente que se vive en Cataluña é que unha elite política e un sistema educativo dan enganado a millón e medio de persoas para que deixasen outras ocupacións máis perentorias ás 17.14 e desen un estarrecedor berro seco que ecoaba en 19.32, cando se aprobou o primeiro estatut. O grupo máis salvaxe que padecemos naceu nas Provincias Vascongadas da educación franquista e entre líderes que eran encarcerados por pediren o voto libre. A cincocentos quilómetros e 84 anos de distancia, unha vintena de mozotes irrompeu nunha libraría catalá de Madrid cos ollos ocultos e músculos ao vento para proclamar a berros bravos e empurróns que Cataluña forma parte de España. Quero pensar que non están formados no sistema educativo local nin están influídos por líderes que lles alentasen a esparecer con gas pementa nun espazo de cultura; catalá, neste caso.
Photo: Jesse Owens jumping (1936)