mercredi 16 juin 2010

IOLANDA ZÚÑIGA: "NON SINTO QUE VAIA RENOVAR NADA"

Montse Dopico entrevista a Iolanda Zúñiga: [Das novelas como a túa, como as doutros autores e autoras que utilizan esa técnica de introducir fragmentos de elementos da nosa realidade: os medios, as novas tecnoloxías.. chámaselles ás veces textos posmodernos. O xurado viu nesta obra un chanzo máis na renovación da narrativa galega. Se cadra vós, só tratades de reflectir o que vedes... Estou de acordo contigo. Eu non sinto que vaia renovar nada. O que escribo é algo que xorde de maneira natural, pola vida que me tocou, os empregos... [Lire la suite]
Posté par Jaureguizar à 12:18 - Commentaires [2] - Permalien [#]

mardi 15 juin 2010

3 EN 8! (SON DE BILBAO)

Os talleres Anzos de Fuenlabrada (Madrid) empezaron a imprimir a terceira edición de 'O contador de estrelas'. Van 3 edicións en 8 meses. Non pensedes que estou impostando a presunción, é que son de Bilbao!!!
Posté par Jaureguizar à 13:00 - Commentaires [1] - Permalien [#]
lundi 14 juin 2010

O DÍA DO ESPAÑOL E AS NOSAS BARREIRAS DE PROTECCIÓN

Unha rapaza chámame en nome do Instituto Cervantes para convidarme a apoiar unha andrómena chamada 'Día do Español'. Explícolle que, coa Xunta erguendo unha barreira de protección do galego tras outra, en Galicia non estamos para dedicar días ao español.
Posté par Jaureguizar à 22:34 - Commentaires [3] - Permalien [#]
lundi 14 juin 2010

TUI RECUPERA UN MENÚ BURGUÉS DE 1891 EN GALEGO

MANUEL GAGO, en CAPÍTULO 0. [Debe ser un dos primeiros menús burgueses escritos en galego que se conservan, pero non é o único. Degustouse no Banquete Rexionalista que se celebrou co gallo dos Xogos Florais en Tui en 1891, dentro dos actos de exaltación da lingua e da cultura galegas e, como todos os banquetes da época, estivo sementado dunha interminable secuencia de discursos nos que participaron algúns dos oradores de sona no Rexionalismo.]
Posté par Jaureguizar à 22:16 - Commentaires [0] - Permalien [#]
lundi 14 juin 2010

SARRIA, OS TOUROS MIRARÁN DENDE A BARREIRA

O Concello de Sarria negouse a financiar touradas, polo que este ano non haberá barbarie nin ranciada. Seica que o atranco non está en seren civilizados, senón en aforraren; pero non deixa de ser un bo sinal que se interrompa unha concatenación de trinta anos de animaladas.
Posté par Jaureguizar à 19:13 - Commentaires [8] - Permalien [#]
lundi 14 juin 2010

OS NEOFALANTES SEMPRE TEMOS QUE XUSTIFICÁRMONOS

Como denuncia Marcos Abalde, os neofalantes sempre temos que xustificarmos por falar en galego, pero dende que saín do armario e admitín a miña condición de neofalante, síntome mellor comigo mesmo.
Posté par Jaureguizar à 10:03 - Commentaires [6] - Permalien [#]

dimanche 13 juin 2010

UNHA TENDA DE CHINESES

VERA SLONIM comprou unha pistola do calibre 38 para sentirse tranquila cando o seu home a conducía ás paraxes inhabitabas nas que cazaba bolboretas. Stacy Schiff contouno en ‘Vera, señora de Nabokov’ (Alianza), unha biografía construída sen a colaboración da protagonista, que rexeitou ser «escritora consorte, como Anna Dostoievski o Fanny Stevenson». Vera eludiu sempre vivir á sombra de Nabokov malia que foi a súa sombra, servéndolle de compañía e atención constante. As motivacións de pegarse a el, afirma a biógrafa, consistían en... [Lire la suite]
Posté par Jaureguizar à 13:28 - Commentaires [0] - Permalien [#]
dimanche 13 juin 2010

O MELLOR NEGRO DE BARCELONA É DE SARRIA

Leo Coyote regresa aos barrios populares de Barcelona en 'Otro día en el Paraíso', unha nova ficción protagonizada por Pulpo García, un escritor de novelas de quiosco "que ten unha vida relativamente vulgar e tranquila, e que soamente aspira a escribir as súas novelas 'pulp'". Un día coñece a unha prostituta, Vanesa Paraíso, e a súa calma muda nunha axitación que o desacouga. O escritor, nacido en Rubín (Sarria) en 1958 vive na capital catalá dende os sete anos e adoita percorrer decotío a parte antiga da cidade como... [Lire la suite]
Posté par Jaureguizar à 13:26 - Commentaires [0] - Permalien [#]
vendredi 11 juin 2010

UNHA PONTE CARA Á COVA

Esta mañá pechei o meu ano escola coa derradeira charla. Falei con rapaces que cursan 4º de ESO no IES Vilalonga de Sanxenxo sobre a miña novela A cova das vacas mortas, un dos meus textos máis apreciados polos rapaces. Foron respectuosos e atentos, aínda que os notei cansos de coñecementos curriculares; pensando nas vacacións e no mundial. A parte boa foi coñecer a Pilar Ponte, que realizou un traballo valiosísimo sobre este libro.
Posté par Jaureguizar à 18:37 - Commentaires [3] - Permalien [#]
vendredi 11 juin 2010

TRIVIAL

O ACTOR Pepe Sancho encendeuse contra min nunha entrevista telefónica. Pregunteille polo seu papel na serie Cuéntame e berroume que había meses que a deixara. Baixei as orellas (a pegada ao supletorio tamén) e confesei que non miraba a televisión. El retrucou, con toda a razón: «¡Yo tampoco leo su periódico y le estoy contestando!». A conversación proseguiu co máis selecto da refinada chulería do ex de María Jiménez. Daquela eu estaba certo de poder despreocuparme de coñecer os afectos televisivos da cidadanía. As canles de tdt, cable... [Lire la suite]
Posté par Jaureguizar à 00:45 - Commentaires [0] - Permalien [#]