mardi 5 novembre 2013

RYANAIR LOGRA UN ESCANO NO PARLAMENTO GALEGO

David Fernández Calviño levou a normalidade ao Parlamento Galego. Pasou de estar no paro a ter un salario estupendo por ser A Voz do Pobo, que sempre é máis pomposo e menos traballoso que opositar. No Hórreo é A Voz do Pobo, nomeadamente na expresión máis filohosteleira: cando fala, a tribuna parlamentaria semella a barra do bar de abaixo, con ese discurso de voo baixo intelectual, titeo insolente e bronquidade institucional. Hai moita xente en Galicia que responde a ese modelo, certo. Xa postos a encarnar, agora vai... [Lire la suite]
Posté par Jaureguizar à 23:39 - Commentaires [0] - Permalien [#]

lundi 4 novembre 2013

NON IMOS AO MÉDICO, MORREMOS

  Os Jaureguizar nunca imos ao médico, simplemente morremos. Podo presumir de que mantiven a divisa familiar ata que hai quince días me asustei. Estaba no baño e, ao rematar de depoñer o preciso, apareceron pinguiñas de sangue imprecisas e inesperadas. Xa logo empezou a doerme o colon, a sentir punzadas no aparato urinario, a amolar os cadrís, a queixárseme a columna vertebral,... os síntomas conducían a un final inevitable. Aínda así, asistín ao Sergas na procura dun alivio. Saín cunha picada no brazo, que é o trance vital... [Lire la suite]
Posté par Jaureguizar à 23:41 - Commentaires [0] - Permalien [#]
dimanche 3 novembre 2013

UN PAR DE ZAPATOS

Todo o que se precisa para ser un bo periodista é un par de zapatos resistentes e atender aos detalles. Tom Wolfe sábeo dende que no 62 empezou a sobrevoar Nova York cos seus traxes brancos, tan propios dese sur algodonado e solleiro do que procedía. A súa extravagancia e os seus signos de admiración empezaron a amolar dende o momento en que irrompeu na redacción do Tribune. O mellor que pode facer un xornalista é pasar desapercibido cando consigue información e destacar todo o que poida cando publica. Tom Wolfe atende soamente á... [Lire la suite]
Posté par Jaureguizar à 22:51 - Commentaires [0] - Permalien [#]
samedi 2 novembre 2013

SILENCIO EN GERNIKA, VALENTÍA EN ORIENTE

Volvo sentir falar do silencio cómplice dos vascos con ETA comparado co silencio cómplice dos alemáns cos nazis co gallo da anulación da Chapuza Parot. O valor de significarse é o que máis reclamamos dos demáis. Que conste que comparto que un asasino reincidente debe completar a integridade da condena. Galindo, condenado a 75 años por dous crimes, cumpriu catro anos e catro meses de condea. Pero, cando volven berrar o silencio cómplice, lembro a Praza de Oriente en Madrid abarrotada, brazos felices ao vento, berros de... [Lire la suite]
Posté par Jaureguizar à 14:00 - Commentaires [0] - Permalien [#]
vendredi 1 novembre 2013

AS ONDAS DA BBC

O truco consistía en mirar o derradeiro Telediario a Mariano Medina para confirmar que había galerna na Canle da Mancha. Daquela collía unha radio de man, subía ao mastre máis alto da Casa do Gato e sintonizaba a BBC para a voz impertubada do xornalista falando inglés sen variación tonal, interrompida unicamente polas ondas feras batendo contra Hastings.
Posté par Jaureguizar à 12:45 - Commentaires [0] - Permalien [#]
jeudi 31 octobre 2013

A SALVACIÓN DE SARTRE EN LUGO

Os comunistas e os sacerdotes viven un tempo de fascinación mutua. Aínda se miran con leve desconfianza porque viviron épocas de exterminio físico mutuo, pero se admiran caladamente dende entón. Os comunistas adoran a capacidade dos curas para renunciar ao material en beneficio dunha fe, da que non poden permitirse dubidaren, e os sacerdotes viven impresionados pola disposición comunista a transformar o inmediato e palpable, e a capacidade para seguir a Marx sen dubidar. Cristianismo e colectivismo son os dous grandes fracasos... [Lire la suite]
Posté par Jaureguizar à 14:06 - Commentaires [0] - Permalien [#]

mercredi 30 octobre 2013

LOU REED ESCRIBIU QUE

Lou Reed asegura que, cando medras nun lugar cativo, poste nervioso e pensas: aquí nunca naceu famoso ningún. Eu medrei en Ribadeo, unha vila que sempre tivo unha sona maior ca o seu tamaño, pero cando adolescente miraba ao redor e pensaba: aí está Mondoñedo con Noriega Varela; Viveiro, con Nicomedes, pero Ribadeo, ningún escritor de sona naceu en Ribadeo: Luz Pozo, Baixeras,... ben, pero non son Cunqueiro de Mondoñedo. Lou Reed escribiu que o único bo de medrar nunha vila pequena é sabes que tes que saír dela. Falo da vida antes de... [Lire la suite]
Posté par Jaureguizar à 09:11 - Commentaires [0] - Permalien [#]
mardi 29 octobre 2013

CARLOS PRÍNCIPE, O FOUCHÉ DA RÚA DO PRÍNCIPE

  Carlos Príncipe é un militante modelo para calquera partido: ten carnet da formación de enfronte e se dedica a roela por dentro en todo canto foro participa. Como parece que escasean os tertulianos no país podemos escoitalo, co seu depurado castrapo, en espazos públicos e privados servíndonos doses do seu monodiscurso: a desafección socialista cara ao Príncipe. Parece pretender emular a ese Fouché que foi Paco Vázquez, pero nin ten tan redondeado o personaxe -Vázquez pasou de socialista a vaticanista sen cambiar a marca de... [Lire la suite]
Posté par Jaureguizar à 00:14 - Commentaires [0] - Permalien [#]
lundi 28 octobre 2013

LOU REED CANTABA LETRAS DE LOIS PEREIRO

Lou Reed interpretaba cancións de Lois Pereiro. Na despedida de hoxe penso que Lou Reed era unha habitación na Casa do Gato, a vivenda familiar de Ribadeo. O bafo na ventá e o Rock and roll animal (1991) soando nun radiocasette. Como era incapaz de comprender as letras que repetía onomatopeicamente, poñíalles poemas de Lois Pereiro. Escoitaba Sweet Jane e comprendía que o secreto da arte consiste na inverosimil estrataxema de que todo sexa sinxelo. Lía por riba a Lois Pereiro convencido de que el falaba de min, aínda que sabía que... [Lire la suite]
Posté par Jaureguizar à 23:18 - Commentaires [0] - Permalien [#]
dimanche 27 octobre 2013

ALBERT RIVERA ENTREGA AS TÁBOAS DA LEI

Albert Rivera ten truco. O líder de Citadans emprende misión comercial en España como Movimiento Ciudadano reformulando ese populismo tan evidente e tan caro ás clases intelectualmente baixas. O seu discurso está exento do bufonismo de Gil y Gil, da perigosa visión da política como arte económica de Ruiz Mateos e da indefinición galiciante de Rosa Díez. Mesmo Rivera supera á súa máis cercana rival, a exsocialista, en que non tivo que manipular o contaquilómetros de varias décadas en cargos públicos para encamiñarse por ese sofisma... [Lire la suite]
Posté par Jaureguizar à 21:54 - Commentaires [1] - Permalien [#]