samedi 19 février 2011

PISTOLAS E VOTOS

Al Capone convidoume a cear por San Valentín. Achegueime á súa mansión de Miami Beach con máis temor ca ilusión. Visitar a casa dun rico pode semellar tan emocionante coma ser reporteiro de 'Quien vive aquí?', pero mete medo entrar nun cubil mafioso. Capone non celebraba o Día dos Namorados, senón a Matanza de San Valentín do 14 de febreiro de 1929 no que se liberou do seu rival Bugs Moran. Moran non morreu no garaxe no que asasinaron a súa banda por estar cortando o pelo. O resentimento dun capo só cesa co pasamento. O curioso de... [Lire la suite]
Posté par Jaureguizar à 01:22 - Commentaires [0] - Permalien [#]
Tags :

mercredi 9 février 2011

ACTRICES

Truman Capote tirou a derradeira caixa de pílulas pola ponte de Brooklyn abaixo. Aseguroumo esta madrugada en Studio 54. Xuroume que asustara en 1962, cando descubriron o frasco de hidrato de cloral onda Marilyn morta, pero non se dera quitado. Estes días as novas fotografías e máis o libro que vén de publicar o forense que a diseccionou axitaron violentamente o seu corazón “Esas fotos son horribles, aínda non sei quen demo autorizou a publicalas”, confesoume lembrando o enterro da actriz Constanze Coller. Aquela mañá de 1955, Marilyn... [Lire la suite]
Posté par Jaureguizar à 12:04 - Commentaires [0] - Permalien [#]
Tags :
jeudi 3 février 2011

A VASOIRA DE ELVIS

Elvis estivo onte ceando na casa. Préstame convidalo porque, a diferenza do que puidera supoñerse, é limitadamente esixente e amplamente cariñoso cos meus fillos. Adoita traerlles reproducións de coches norteamericanos dos anos 50; algúns Mustang ou Pontiac. Mesmo confórmase con calquera cousa na mesa: un paquete de pan Bimbo, medio quilogramo de peituga de pavo en lascas e unha botella de dous litros de Coca Cola. Sen cafeína, que logo non dá durmido. Cando acabamos de cear, a muller sempre lle pide que cante Allways on my mind e el... [Lire la suite]
Posté par Jaureguizar à 00:13 - Commentaires [0] - Permalien [#]
Tags :
jeudi 27 janvier 2011

A CENTRAL!

En Vigo se non estás subindo é porque estás baixando. Hai días fíxenlle unha batida estética tras os pasos de X O meu anfitrión foi amosándome a cidade con esa paciencia emocionada coa que ensinamos a fotografía positiva da biografía filial. Non eludiu que o entramado urbano é unha agregado de barrios (Valadares, Bouzas, Coia, Vigo,...). Contoume que os de Teis anunciaban que marchaban a Vigo. X abríame as portas imaxinarias que coutan cada zona mentres trataba de recompoñer un rueiro cubista. Acordei do ‘eros’ e do ‘eris’ que explica... [Lire la suite]
Posté par Jaureguizar à 10:37 - Commentaires [0] - Permalien [#]
Tags :
mercredi 19 janvier 2011

"QUE CARALLO LLES PICA AOS ANONYMOUS ESES?"

Norman Mailer chamoume de madrugada. Asustoume que o móbil berrase e prendese luces coma un coche de bombeiros nun arrabaldo escuro. No llo tomei a mal porque os reloxos páranse ao entrar no alén. A súa voz áspera e nerviosa soaba nídia. Preguntoume: “Que carallo lles pica aos Anonymous eses?” Non acertei máis que a bocexarlle un colectivo anarco que ciberataca a todo quen vulnere a súa xustiza poética, dende as empresas que sacaron a publicidade a Wikileaks a partidos que votaron a Lei Sinde. Norman estableceu un paralelismo... [Lire la suite]
Posté par Jaureguizar à 02:08 - Commentaires [0] - Permalien [#]
Tags :
mercredi 12 janvier 2011

BOB HOPE PEDINDO ESMOLA

O OUTRO DÍA vin a Bob Hope nunha rúa. A mañá amencera fresca e o pavimento grisverdoso da humidade. Bob estaba encrequenado coa mesma expresión de sambernardo bochechudo e tristeiro das súas últimas películas. Naquelas cintas, o seu aceno amargo estaba dramatizado e buscaba a risa. O outro día, non. Bob Hope pedía esmola tratando de amolecer os corazóns dos peóns cun gorro de Nadal xa fóra de tempada. O seu outlet era o derradeiro recurso da desesperación. Non lle dei un céntimo; non porque non me conmovese descubrir alí a un mito de... [Lire la suite]
Posté par Jaureguizar à 19:46 - Commentaires [0] - Permalien [#]
Tags :